«Белсат» зьняў, як адбіралі ўкраінскія сьцягі на ўчорашнім канцэрце гурту «Океан Эльзи» ў Менску.
Яшчэ перад пачаткам канцэрту міліцыянты пачалі «зачыстку» залі ад украінскіх сьцягоў. Першаю, у каго забралі жоўта-блакітны штандар, аказалася дзяўчынка з фан-клюбу «Океан Эльзи». Сьцяг падарожнічаў зь ёю па канцэртах улюбёнага гурта.
Цягам канцэрту здымачная група «Белсату» зафіксавала, як забралі пяць сьцягоў: чатыры – у фанзоне і адзін — на трыбуне. Адной глядачцы ўдалося абараніць украінскую сымболіку.