Майстры пясочнай анімацыі з Украіны, Расеі і Беларусі прадаюць свае творы для падтрымкі ўкраінскай арміі.
У Днепрапятроўску, у культурна-дзелавым цэнтры «Менора», адбыўся першы ва Ўкраіне дабрачынны аўкцыён карцін зь пяску «Падтрымаем тых, хто цябе абараняе» ў падтрымку ўкраінскай арміі.
Дзесяткі майстроў пясочнай анімацыі, як дзеці, так і дарослыя, выставілі на продаж свае карціны, каб сабраць грошы для дапамогі ўкраінскім вайскоўцам на Данбасе ў шпіталях.
Паводле арганізатара аўкцыёну Натальлі Міронавай, характэрна, што да аўкцыёну далучыліся аўтары з Расеі і Беларусі, іх працы, гэтак жа, як і творы ўкраінскіх мастакоў, аб’ядноўвае антываенная тэматыка.