Працяг крызысу ва Ўкраіне можа прывесьці Менск да больш цеснага супрацоўніцтва з Захадам, заявіў у інтэрвію агенцтву Associated Press міністар эканомікі Беларусі Мікалай Снапкоў.
Мікалай Снапкоў зазначыў, што працяг баёў паміж прарасейскімі сэпаратыстамі ў Данбасе і ўкраінскімі вайскоўцамі «прыцягне Беларусь да большага супрацоўніцтва з краінамі Захаду».
Снапкоў заявіў гэта ў інтэрвію агенцтву напярэдадні інвэстыцыйнай канфэрэнцыі ў Лёндане, на якой беларускі ўрад паспрабуе прыцягнуць увагу замежных інвэстараў.