Адзін з найгучнейшых карупцыйных скандалаў за часам украінскага прэзыдэнта Віктара Януковіча — закуп буравых вежаў з падвойнай пераплатай.
Але і пры новай украінскай ўладзе гэтая гісторыя не расьсьледаваная. Журналісты ўкраінскай службы Радыё Свабода разам з тэлеканалам «Еспресо ТВ» правялі супольнае расьсьледаваньне і знайшлі палацы, якія працягваюць будаваць пад Кіевам фігуранты гэтай гучнай карупцыйнай справы. Журналісты таксама высьвятлялі, хто фінансуе палітычныя партыі Ўкраіны.