Польскі эўрадэпутат Яцэк Сарыюш-Вольскі вылучыў украінскі Эўрамайдан на прэмію Эўрапейскага парлямэнту імя Андрэя Сахарава за 2014 год.
Пра гэта палітык паведаміў у сваім твітэры.
Прэмія «За свабоду думкі» названая ў гонар савецкага навукоўца і дысыдэнта Андрэя Сахарава. Яе заснавалі ў сьнежні 1985 году і прысуджаюць асобам ці арганізацыям, якія абараняюць правы і свабоды людзей.
У 2004 годзе прэмію імя Сахарава атрымала Беларуская асацыяцыя журналістаў, у 2006 — Аляксандар Мілінкевіч. Уручэньне прэміі адбудзецца 10 сьнежня.