Онлайн-канфэрэнцыя: Міхась Тычына

Ужо ня першы год беларуская Свабода праводзіць «Чэрвень з Быкавым». Сёлета гэты месяц пройдзе пад знакам «10 гадоў бяз Быкава». Знакамітыя людзі будуць выказвацца пра тое, як зьмянілася наша грамадзтва за гэтыя 10 гадоў, што прайшлі пасьля сыходу з жыцьця вялікага пісьменьніка. Міхась Тычына – адзін з найбольш аўтарытэтных знаўцаў творчасьці Васіля Быкава. Апублікаваў каля 50 артыкулаў, зьвязаных з творчасьцю Быкава. Быў аўтарам прадмоваў да выданьняў Быкава, якія выходзілі ў Беларусі і за мяжой. У 4-томнай «Гісторыі беларускай літаратуры 20-га стагодзьдзя» прадставіў партрэт Васіля Быкава.