Праскі акцэнт

Чаму акцыі, ініцыяваныя інтэрнэт-супольнасьцю “Рэвалюцыя ў сацыяльных сетках”, працягваюцца так доўга? Ці можна сказаць, што арганізатары “рэвалюцыі ў сацыяльных сетках” здолелі накінуць уладам свой сцэнар? Чаму маўклівыя маніфэстацыі не вылучаюць пэўных палітычных мэтаў і лёзунгаў? Ці могуць да гэтых акцыяў далучыцца больш шырокія колы грамадзтва? Над гэтымі пытаньнямі ў “Праскім акцэнце” разважаюць: філёзаф Валянцін Акудовіч, адміністратары інтэрнэт-супольнасьці “Рэвалюцыя ў сацыяльных сетках” Вячаслаў Дзіянаў і Ігар Коктыш, аглядальнікі нашага радыё Віталь Цыганкоў і Валер Карбалевіч, намесьнік рэдактара “Белгазеты” Віктар Марціновіч, кіраўніца грамадзянскай кампаніі “Наш дом” Вольга Карач, кіраўнік аналітычных праектаў кампаніі БелаПАН Аляксандар Класкоўскі і блогер Яўген Ліпковіч.