У Менску затрыманы кіраўнік ініцыятывы «Альтэрнатыва» Алег Корбан. Суд над актывістам адбудзецца ў панядзелак.
Пра гэта карэспандэнту Свабоды паведаміў актывіст Ільля Дабратвор.
Алега Корбана супрацоўнікі міліцыі забралі з кватэры і адвезьлі ў Партызанскі РУУС.
Ільля Дабратвор мяркуе, што Алега маглі затрымаць за расьцяжку «За незалежную Беларусь», якая нядаўна зьявілася ў мэтро. Яна вісела каля 30 хвілін, пакуль яе не зьнялі міліцыянты.
Пазьней стала вядома, што таксама затрыманы актывіст «Альтэрнатывы» Ўладзь Сяргееў.