Больш як шэсьць гадзін у Гомелі на асьвятляльнай мачце на тэрыторыі чыгуначнага вакзалу знаходзіцца 33-гадовы жыхар Берасьця. Пад мачтай пакінута валіза з пашпартам на імя берасьцейца 1981 году нараджэньня.
Ён не выстаўляе ніякіх патрабаваньняў, ніяк не тлумачыць, чаму залез так высока. Калі выратавальнікі зьбіраліся зьняць «скалалаза» з мачты, ён станавіўся на край мачты і пагражаў скінуцца на плятформу. У выніку супрацоўнікі МНС адступілі і разгарнулі пад мачтай «куб жыцьця» — спэцыяльную мяккую падушку.
Паводле міліцыянтаў, дзеяньні берасьцейца ўжо можна кваліфікаваць як злоснае хуліганства. Гэта у тым выпадку, калі мэдыкі прызнаюць яго псыхічна здаровым.
Паводле міліцыянтаў, дзеяньні берасьцейца ўжо можна кваліфікаваць як злоснае хуліганства. Гэта у тым выпадку, калі мэдыкі прызнаюць яго псыхічна здаровым.