Прэсавы сакратар Міністэрства замежных спраў Беларусі Дзьмітры Мірончык пракамэнтаваў тое, што Беларусь у ААН выказалася супраць цэласнасьці Ўкраіны і падтрымала акупацыю Крыму.
«Беларускі бок ня лічыць, што галасаваньне ў Генэральнай асамблеі ААН дазволіць урэгуляваць крызіс ва Ўкраіне. Адпачатку неабходна падкрэсьліць, што пытаньне міру і бясьпекі — гэта прадмет першачарговай кампэтэнцыі не Генэральнай асамблеі, а Рады бясьпекі ААН. Мы ўпэўненыя, што ўкраінскі крызіс павінен вырашацца ў самой Украіне на аснове нацыянальнага кансэнсусу. Міжнародныя рознагалосьсі павінны вырашацца шляхам перамоваў паміж зацікаўленымі бакамі. А роля міжнародных арганізацыяў — служыць пляцоўкай для дыялёгу, перамоваў, забясьпечваць у выніку стабілізацыю становішча і разьвязаньне крызісу. У гэтай сувязі мы адзначаем важнасьць і станоўча разглядаем патэнцыяльную ролю маніторынгавых місіяў ААН і АБСЭ ва Ўкраіне», — заявіў Мірончык.
Амбасадар Беларусі ў ААН — Андрэй Дапкюнас.
Генэральная асамблея ААН ухваліла праект рэзалюцыі ў падтрымку тэрытарыяльнай цэласнасьці Ўкраіны і супраць акупацыі Расеяй Крыму. Беларусь галасавала супраць.
За рэзалюцыю выказалася 100 краін, супраць — 11, устрымалася 58 дзяржаў.
Апрача Расеі, супраць рэзалюцыі выступілі Армэнія, Беларусь, Балівія, Куба, КНДР, Нікарагуа, Судан, Сырыя, Вэнэсуэла, Зымбабвэ.
Амбасадар Беларусі ў ААН — Андрэй Дапкюнас.
Генэральная асамблея ААН ухваліла праект рэзалюцыі ў падтрымку тэрытарыяльнай цэласнасьці Ўкраіны і супраць акупацыі Расеяй Крыму. Беларусь галасавала супраць.
За рэзалюцыю выказалася 100 краін, супраць — 11, устрымалася 58 дзяржаў.
Апрача Расеі, супраць рэзалюцыі выступілі Армэнія, Беларусь, Балівія, Куба, КНДР, Нікарагуа, Судан, Сырыя, Вэнэсуэла, Зымбабвэ.