Падчас штурму расейскімі вайскоўцамі ўкраінскага фотаграмэтрычнага інфармацыйнага цэнтру ў Сімфэропалі загінуў украінскі вайсковец, паведамляе начальнік Крымскага рэгіянальнага мэдыяцэнтру Мінабароны Ўкраіны Ўладзіслаў Селязьнёў.
«Адзін чалавек забіты падчас штурму 13-га ФІЦ. Гэты ўкраінскі вайсковец нёс службу на тэрыторыі парку часткі», — напісаў ён на сваёй старонцы ў сацсетцы Facebook.
Паводле яго слоў, яшчэ аднаго параненага вайскоўца — капітана — адправілі ў бальніцу хуткай дапамогі Сімфэропаля.
«На цяперашні час украінскім афіцэрам абвясьцілі, што яны арыштаваныя, у іх забралі дакумэнты», — напісаў Селязьнёў.
Паводле яго слоў, яшчэ аднаго параненага вайскоўца — капітана — адправілі ў бальніцу хуткай дапамогі Сімфэропаля.
«На цяперашні час украінскім афіцэрам абвясьцілі, што яны арыштаваныя, у іх забралі дакумэнты», — напісаў Селязьнёў.