У Крыме татарын загінуў пасьля катаваньняў

У Белагорскім раёне Крыма знайшлі цела крымскага татарына. На целе загінулага былі сьляды катаваньняў.
Пра гэта паведаміў колішні глава Мэджлісу Мустафа Джамілеў рэсурсу УНН.

«Гэта здарылася ў Землянічным Белагорскага раёну. Чалавек зьнік 3 ці 4 сакавіка. Апошняе, што пра яго было вядома, што ён пайшоў у ваенкамат. А пасьля зьнік. І сёньня знайшлі яго цела са сьлядамі катаваньняў. Побач зь ім знайшлі кайданкі, галава была абвязаная клейкай стужкай», — паведаміў Джамілеў.