Першы віцэ-прем’ер Украіны Віталій Ярэма падчас ток-шоў «Шустэр Лайф» на ўкраінскім «5-м канале» сказаў, што межы паміж Украінай і Расеяй могуць быць перакрыты і ўсталяваны жорсткі кантроль за перасячэньнем мяжы грамадзянамі Расеі.
Паводле Ярэмы, на прарасейскія мітынгі ва ўсходнія рэгіёны Украіны завозяць грамадзян Росеі. «На мітынгі прыцягваюцца асобы, прывезеныя з Расейскай Фэдэрацыі — гэты мы даказваем сёньня дакумэнтальна», — сказаў ён.