Раніцай 4 студзеня ў Менск прыбыў новы кіраўнік Беларускай праваслаўнай царквы Павал.
Паводле інфармацыі прэс-службы Менскай эпархіі, у Нацыянальным аэрапорце Менск мітрапаліта Мінскага і Слуцкага, патрыяршага экзарха ўсяе Беларусі сустрэлі кіраўнік спраў БПЦ архіепіскап Навагрудзкі і Лідзкі Гурый, вікарый Менскай эпархіі эпіскап Барысаўскі Веніямін, сакратар Мінскага епархіяльнага ўпраўленьня протаіерэй Мікалай Коржыч, настаяцель мінскага храма-помніка ў гонар Усіх сьвятых протаіерэй Феадор Поўны.
«Ад асобы беларускай дзяржавы мітрапаліта Паўла прывітаў ўпаўнаважаны па справах рэлігій і нацыянальнасьцяў Леанід Гуляка», — гаворыцца ў паведамленьні.
Пасьля кароткага прывітаньня патрыяршы экзарх пагутарыў з журналістамі. Затым Павал накіраваўся ў менскі Сьвята-Духаў кафэдральны сабор, паведамляе БелаПАН.
Як паведамлялася раней, на цырымоніі прыбыцьця новага прадстаяцеля БПЦ было дазволена прысутнічаць карэспандэнтам толькі дзяржаўных СМІ.
«Ад асобы беларускай дзяржавы мітрапаліта Паўла прывітаў ўпаўнаважаны па справах рэлігій і нацыянальнасьцяў Леанід Гуляка», — гаворыцца ў паведамленьні.
Пасьля кароткага прывітаньня патрыяршы экзарх пагутарыў з журналістамі. Затым Павал накіраваўся ў менскі Сьвята-Духаў кафэдральны сабор, паведамляе БелаПАН.
Як паведамлялася раней, на цырымоніі прыбыцьця новага прадстаяцеля БПЦ было дазволена прысутнічаць карэспандэнтам толькі дзяржаўных СМІ.