Сёньня распачынаецца галасаваньне за найлепшы беларускамоўны відэаролік у рамках конкурсу «Крок наперад», абвешчанага на пачатку лістапада футбалістам Юрасём Юрчанкам.
Тады ініцыятар конкурсу ў падтрымку беларускай мовы абвясьціў, што конкурс ролікаў будзе адбывацца ў трох кірунках: «А ты размаўляеш па-беларуску?», «Зрабі крок наперад» і «Зараз ці ніколі». Відэа павінна ўключаць у сябе адзін з гэтых трох слоганаў, быць на беларускай мове, насіць непалітычны і нерэлігійны характар, ня ўтрымліваць ненарматыўнай лексыкі і мець матывацыйны характар, то бок падштурхоўваць чалавека да дзеяньня.
«Даслалі 12 відэа. Усе вельмі розныя. Некаторыя прафэсійныя, некаторыя зусім аматарскія, але вельмі душэўныя. Некаторыя ўдзельнікі адмыслова складалі вершы і песьні, каб выкарыстаць іх у сваіх роліках. Магу сказаць, што я вельмі задаволены тым, што людзі адгукнуліся. Зразумела, што падрыхтоўка відэа — гэта велізарная праца, таму разьлічваць на нейкую неверагодную колькасьць дасланых ролікаў было б заведама неабгрунтавана. Усё ж тут патрабавалася ня толькі галачку паставіць ці адказаць на пытаньне, а ахвяраваць вялікую колькасьць часу на прыдумваньне і выраб відэа», — паведаміў Радыё Свабода ініцыятар конкурсу відэаролікаў на беларускай мове Юрась Юрчанка.
Паглядзець ролікі і аддаць свой голас за ўпадабаны можна на сайце конкурсу і на яго старонцы ў сацыяльнай сетцы «Ўкантакце».
Галасаваньне будзе ісьці да 22 сьнежня. Пасьля адбудзецца ўрачыстая імпрэза, на якой арганізатар конкурсу ўганаруе пераможцаў.
«Даслалі 12 відэа. Усе вельмі розныя. Некаторыя прафэсійныя, некаторыя зусім аматарскія, але вельмі душэўныя. Некаторыя ўдзельнікі адмыслова складалі вершы і песьні, каб выкарыстаць іх у сваіх роліках. Магу сказаць, што я вельмі задаволены тым, што людзі адгукнуліся. Зразумела, што падрыхтоўка відэа — гэта велізарная праца, таму разьлічваць на нейкую неверагодную колькасьць дасланых ролікаў было б заведама неабгрунтавана. Усё ж тут патрабавалася ня толькі галачку паставіць ці адказаць на пытаньне, а ахвяраваць вялікую колькасьць часу на прыдумваньне і выраб відэа», — паведаміў Радыё Свабода ініцыятар конкурсу відэаролікаў на беларускай мове Юрась Юрчанка.
Паглядзець ролікі і аддаць свой голас за ўпадабаны можна на сайце конкурсу і на яго старонцы ў сацыяльнай сетцы «Ўкантакце».
Галасаваньне будзе ісьці да 22 сьнежня. Пасьля адбудзецца ўрачыстая імпрэза, на якой арганізатар конкурсу ўганаруе пераможцаў.