У чарговым відэазвароце віцебскі лекар згадвае сваю прымусовую шпіталізацыю ў псыхушку, апавядае пра сваю новую працу ў псыхіятрычным дыспансэры і пра тое, якія нізкія заробкі сёньня маюць віцебскія мэдыкі.
Пасноў выказвае сумневы ў аб’ектыўнасьці дыягназу, які яму паставілі: «разладжаньне асобы па паранаідальным тыпе». Ён па-ранейшаму пэўны, што ў вар’ятню ён трапіў за крытыку ўладаў — недарма гэта адбылося пасьля аднаго з крытычных відэавыступаў і папрокаў кіраўніцтва за «неэтычныя паводзіны».
Ігар Пасноў таксама гаворыць пра віцебскага актывіста Сяргея Рыжова, які стаў даверанай асобай лекара, пакуль той знаходзіўся ў псыхіятрычным шпіталі. Пасноў згадвае, што 16 лістапада Рыжова забралі ў выцьвярэзьнік і там зьбілі.
Напрыканцы звароту Пасноў зноў вяртаецца да тэмы карнай псыхіятрыі. Ён гаворыць пра тое, што неабходна ўнесьці зьмены ў дзейны закон «Аб аказаньні псыхіятрычнай дапамогі», бо той ставіць пацыента ў залежнасьць ад лекара, што стварае глебу для злоўжываньняў такой уладай.
Адна з мэтаў відэавыступу, паводле Ігара Паснова, гэта спроба засьведчыць свой цяперашні стан здароўя. Лекар заклікае гледачоў у сьведкі таго, што ён знаходзіцца ў адэкватным стане і настроі.
Відэазапіс зроблены ў кватэры Ігара Паснова. Яшчэ адна гераіня відэароліка — котка Аліса.
«Мая котка і пацярпела больш за ўсіх. Яна ж не крытыкавала губэрнатара і ўлады і не разумела, чаму я не прыйшоў дахаты, апынуўшыся ў псыхіятрычным аддзяленьні», — гаворыць Пасноў.
Ігара Паснова шпіталізавалі 16 жніўня. Ён працаваў у наркалягічным аддзяленьні Віцебскага абласнога псыханэўралягічнага шпіталя, і проста з працы яго забралі ў суседняе аддзяленьне — ужо ў якасьці пацыента. 23 жніўня ў адсутнасьць Паснова суд Віцебскага раёну санкцыянаваў для яго прымусовае псыхіятрычнае лячэньне. Гэтую пастанову віцебскі лекар спрабуе аспрэчыць, дайшоўшы ўжо да Вярхоўнага суду.
Ігар Пасноў таксама гаворыць пра віцебскага актывіста Сяргея Рыжова, які стаў даверанай асобай лекара, пакуль той знаходзіўся ў псыхіятрычным шпіталі. Пасноў згадвае, што 16 лістапада Рыжова забралі ў выцьвярэзьнік і там зьбілі.
Напрыканцы звароту Пасноў зноў вяртаецца да тэмы карнай псыхіятрыі. Ён гаворыць пра тое, што неабходна ўнесьці зьмены ў дзейны закон «Аб аказаньні псыхіятрычнай дапамогі», бо той ставіць пацыента ў залежнасьць ад лекара, што стварае глебу для злоўжываньняў такой уладай.
Адна з мэтаў відэавыступу, паводле Ігара Паснова, гэта спроба засьведчыць свой цяперашні стан здароўя. Лекар заклікае гледачоў у сьведкі таго, што ён знаходзіцца ў адэкватным стане і настроі.
Відэазапіс зроблены ў кватэры Ігара Паснова. Яшчэ адна гераіня відэароліка — котка Аліса.
«Мая котка і пацярпела больш за ўсіх. Яна ж не крытыкавала губэрнатара і ўлады і не разумела, чаму я не прыйшоў дахаты, апынуўшыся ў псыхіятрычным аддзяленьні», — гаворыць Пасноў.
Ігара Паснова шпіталізавалі 16 жніўня. Ён працаваў у наркалягічным аддзяленьні Віцебскага абласнога псыханэўралягічнага шпіталя, і проста з працы яго забралі ў суседняе аддзяленьне — ужо ў якасьці пацыента. 23 жніўня ў адсутнасьць Паснова суд Віцебскага раёну санкцыянаваў для яго прымусовае псыхіятрычнае лячэньне. Гэтую пастанову віцебскі лекар спрабуе аспрэчыць, дайшоўшы ўжо да Вярхоўнага суду.