Максім Вінярскі, каардынатар «Эўрапейскай Беларусі», заявіў Радыё Свабода, што ён не хаваецца ад міліцыі і што бліжэйшым часам будзе высьвятляць, чаму яго хочуць зьвінаваціць у абразе службовай асобы.
«Мне на мабільны тэлефон не тэлефанавалі, але маглі ж… Буду сам званіць і высьвятляць, зь якой мэтай мяне шукаюць», — заявіў Вінярскі.
«Магчыма, яны мяне шукаюць там, дзе мяне няма. Я не хаваюся. Вы ж мне патэлефанавалі. Мой тэлефон зарэгістраваны на мяне, і я карыстаюся ім працяглы час. Няўжо міліцыя яго ня ведае? Пэўна ж ведае! Але чамусьці шукаюць па іншым нумары. Мо, каб пазьней сказаць, што яны мяне не маглі знайсьці і таму будуць абмяжоўваць свабоду», — выказаў вэрсію Вінярскі.
19 лістапада міліцыянты паспрабавалі трапіць у кватэру маці Вінярскага.
20-га — супрацоўнікі МУС тэлефанавалі ягоным сваякам і патрабавалі паведаміць, дзе знаходзіцца Максім.
«Старшы ўчастковы інспэктар міліцыі Савецкага раёну Віталь Паўлоўскі (…) паведаміў, што пададзеная заява пра тое, што Максім абразіў службовую асобу пры выкананьні ёй службовых абавязкаў», — паведаміла «Хартыі-97» сястра Максіма Вінярскага Алена.
У размове з карэспандэнтам Радыё Свабода Алена адмовілася ад камэнтароў на гэтую тэму.
Пра цікавасьць міліцыі да асобы Вінярскага стала вядома ў той самы дзень, калі ён ды іншы грамадзкі актывіст — Леанід Кулакоў — падалі заявы ў суд Савецкага раёну Менску. Вінярскі і Кулакоў просяць пакараць супрацоўнікаў міліцыі, якія сьведчылі на працэсе супраць Юрыя Рубцова.
Рубцова затрымалі пасьля шэсьця ў Курапаты 3 лістапада. Прычынай затрыманьня і 3-суткавага арышту стала майка з надпісам «Лукашэнка, сыходзь», у якой жыхар Гомеля ўдзельнічаў у акцыі.
Вінярскі і Кулакоў таксама выступалі сьведкамі па справе Рубцоўва. Аднак судзьдзя Дзьмітры Паўлючэнка паверыў міліцыянтам.
Максім Вінярскі заявіў Радыё Свабода, што ня ведае, ці зьвязаныя паміж сабой гэтыя факты.
«Магчыма, яны мяне шукаюць там, дзе мяне няма. Я не хаваюся. Вы ж мне патэлефанавалі. Мой тэлефон зарэгістраваны на мяне, і я карыстаюся ім працяглы час. Няўжо міліцыя яго ня ведае? Пэўна ж ведае! Але чамусьці шукаюць па іншым нумары. Мо, каб пазьней сказаць, што яны мяне не маглі знайсьці і таму будуць абмяжоўваць свабоду», — выказаў вэрсію Вінярскі.
19 лістапада міліцыянты паспрабавалі трапіць у кватэру маці Вінярскага.
20-га — супрацоўнікі МУС тэлефанавалі ягоным сваякам і патрабавалі паведаміць, дзе знаходзіцца Максім.
«Старшы ўчастковы інспэктар міліцыі Савецкага раёну Віталь Паўлоўскі (…) паведаміў, што пададзеная заява пра тое, што Максім абразіў службовую асобу пры выкананьні ёй службовых абавязкаў», — паведаміла «Хартыі-97» сястра Максіма Вінярскага Алена.
У размове з карэспандэнтам Радыё Свабода Алена адмовілася ад камэнтароў на гэтую тэму.
Пра цікавасьць міліцыі да асобы Вінярскага стала вядома ў той самы дзень, калі ён ды іншы грамадзкі актывіст — Леанід Кулакоў — падалі заявы ў суд Савецкага раёну Менску. Вінярскі і Кулакоў просяць пакараць супрацоўнікаў міліцыі, якія сьведчылі на працэсе супраць Юрыя Рубцова.
Рубцова затрымалі пасьля шэсьця ў Курапаты 3 лістапада. Прычынай затрыманьня і 3-суткавага арышту стала майка з надпісам «Лукашэнка, сыходзь», у якой жыхар Гомеля ўдзельнічаў у акцыі.
Вінярскі і Кулакоў таксама выступалі сьведкамі па справе Рубцоўва. Аднак судзьдзя Дзьмітры Паўлючэнка паверыў міліцыянтам.
Максім Вінярскі заявіў Радыё Свабода, што ня ведае, ці зьвязаныя паміж сабой гэтыя факты.