У Беларусі падрыхтаваны праект указу прэзыдэнта, які прадугледжвае спагнаньне платы з грамадзянаў, якія не працуюць.
«Ва ўрадзе разглядаецца пытаньне пра ўвядзеньне для грамадзянаў, якія ня ўдзельнічаюць у фармаваньні даходнай часткі бюджэту шляхам сплаты падаткаў, паколькі нідзе фармальна не працуюць, але тым ня менш карыстаюцца сацыяльнымі выгодамі, якія фінансуюцца зь бюджэту», — заявіла начальнік Галоўнай управы фінансаваньня сацыяльнай сфэры і навукі Міністэрства фінансаў Беларусі Сьвятлана Крэтава ў аўторак у беларускім парлямэнце.
Крэтава паведаміла, што праект указу гатовы для ўхваленьня.
Плянуемы «падатак на дармаедаў» складзе 2,6 мільёна рублёў на год — гэта каля $280.
Паводле падлікаў прэм’ера Міхаіла Мясьніковіча, у Беларусі налічваецца каля 500 тысяч чалавек, якія нідзе не працуюць, але не становяцца на ўліку па беспрацоўю.
Калі сабраць грошы з кожнага з іх, бюджэт атрымае дадатковыя $140 мільёнаў.
«Не магу камэнтаваць розныя маразмы. Паралелі з савецкімі часамі ёсьць, бо беларускі рэжым мала чым адрозьніваецца ад савецкага. Толькі час ужо іншы, і таму яны шукаюць іншых захадаў. Людзі знойдуць выхад у такой сытуацыі. Дзяржава ад такіх захадаў нічога добрага не атрымае», — кажа Аляксандар Сасноў, былы міністар працы.
«Самае галоўнае, што чалавек можа працаваць на сябе, а не на дзяржаву. Гэта дзяржава яго лічыць гультаём. На самой справе ён не гультай. Ён працавіты чалавек. Толькі ён ня хоча працаваць на дзяржаву, бо дзяржава не адпавядае ягоным патрабаваньням».
Крэтава паведаміла, што праект указу гатовы для ўхваленьня.
Плянуемы «падатак на дармаедаў» складзе 2,6 мільёна рублёў на год — гэта каля $280.
Паводле падлікаў прэм’ера Міхаіла Мясьніковіча, у Беларусі налічваецца каля 500 тысяч чалавек, якія нідзе не працуюць, але не становяцца на ўліку па беспрацоўю.
Калі сабраць грошы з кожнага з іх, бюджэт атрымае дадатковыя $140 мільёнаў.
Аляксандар Сасноў: «Не магу камэнтаваць розныя маразмы»
«Не магу камэнтаваць розныя маразмы. Паралелі з савецкімі часамі ёсьць, бо беларускі рэжым мала чым адрозьніваецца ад савецкага. Толькі час ужо іншы, і таму яны шукаюць іншых захадаў. Людзі знойдуць выхад у такой сытуацыі. Дзяржава ад такіх захадаў нічога добрага не атрымае», — кажа Аляксандар Сасноў, былы міністар працы.
«Самае галоўнае, што чалавек можа працаваць на сябе, а не на дзяржаву. Гэта дзяржава яго лічыць гультаём. На самой справе ён не гультай. Ён працавіты чалавек. Толькі ён ня хоча працаваць на дзяржаву, бо дзяржава не адпавядае ягоным патрабаваньням».