Год таму ня стала Сержука Цімохава — мастака і беларускага патрыёта.
Чым адметная ягоная творчасьць? Як разумець драматызм і трагізм ягоных карцінаў? Як спалучаліся ў іх паганскія і хрысьціянскія матывы? Як выяўляўся ў іх сьветагляд майстра?
Як і калі Сяржук Цімохаў стаў перакананым беларускім нацыяналістам? Якім быў яго нацыяналізм?
Якім мужам, бацькам, сябрам быў Цімохаў?
Чаму ён, таленавіты, запатрабаваны, у самым росквіце майстэрства, пайшоў кіраваць Саюзам мастакоў? І як гэта адбілася на яго жыцьці і творчасьці?
Пра жыцьцё і творчасьць Сержука Цімохава разважаюць ягоная ўдава — мастачка Рыта Цімохава і яго найбліжэйшы сябра — мастак Генадзь Мацур. У перадачы выкарыстаныя відэазапісы з удзелам Цімохава, а таксама ягоныя працы.
