Украінскія пісьменьнікаў напісалі адкрыты ліст з нагоды адкліканьня ліцэнзіі ў беларускага выдавецтва “Логвінаў”.
Выказваем сваё абурэньне з нагоды пазбаўленьня ліцэнзіі менскага выдавецтва “Логвінаў”. Гэты крок з боку беларускага міністэрства інфармацыі ніякім чынам не стасуецца з прынцыпамі свабоды слова, адно заганяе літаратуру і мастацтва ў стан, знаёмы нам з не найлепшых савецкіх часоў.
Добрая літаратура, як вядома, – дзейсны сродак супраць закасьцянелых стэрэатыпаў і аднабокіх, нэгатыўных ўяўленьняў пра краіну і яе жыхароў. Таму нас, прадстаўнікоў суседняй літаратуры, не можа не хваляваць зьбядненьне літаратурнага поля Беларусі, якое абавязкова наступіць за зачыненьнем уплывовага выдавецтва. Нагадаем, што “Логвінаў” публікуе выдатныя творы мастацкай літаратуры, а таксама альбомы па мастацтве, якія фармуюць культурны ляндшафт краіны. Выдавецтва, шырока вядомае ва Ўкраіне, станоўча ўплывае сваёй дзейнасьцю на імідж Беларусі, прэзэнтуе сваю краіну як культурную і літаратурную эўрапейскую дзяржаву з насычаным грамадзкім і прыватным жыцьцём. Акрамя таго, выдавецтва “Логвінаў” актыўна працуе зь іншымі літаратурамі, у тым ліку і з украінскай. Менавіта ў выдавецтве “Логвінаў” пабачылі сьвет перакладныя кнігі Юрыя Андруховіча і Сяргея Жадана. Выхад у сьвет гэтых кніг стаўся падзеяй у літаратурным жыцьці абедзьвюх краін і правёў да ўсплёску ўзаемнага зацікаўленьня.
Такім чынам, мы заклікаем беларускае міністэрства інфармацыі як найхутчэй вярнуць выдавецтву “Логвінаў” ліцэнзію, спыніць наступ на беларускую літаратуру.
Падпісаліся:
Марыя Маціос
Юры Андруховіч
Андрэй Куркоў
Андрэй Бондар
Андрэй Какацюха
Юрко Прохаська
Аляксандра Коваль
Багдана Маціяш
Сяргей Жадан
Ірэна Карпа
Расьціслаў Мельнікаў
Іван Малкавіч
Ларыса Дзенісенка
Мар’яна Кіяноўская
Добрая літаратура, як вядома, – дзейсны сродак супраць закасьцянелых стэрэатыпаў і аднабокіх, нэгатыўных ўяўленьняў пра краіну і яе жыхароў. Таму нас, прадстаўнікоў суседняй літаратуры, не можа не хваляваць зьбядненьне літаратурнага поля Беларусі, якое абавязкова наступіць за зачыненьнем уплывовага выдавецтва. Нагадаем, што “Логвінаў” публікуе выдатныя творы мастацкай літаратуры, а таксама альбомы па мастацтве, якія фармуюць культурны ляндшафт краіны. Выдавецтва, шырока вядомае ва Ўкраіне, станоўча ўплывае сваёй дзейнасьцю на імідж Беларусі, прэзэнтуе сваю краіну як культурную і літаратурную эўрапейскую дзяржаву з насычаным грамадзкім і прыватным жыцьцём. Акрамя таго, выдавецтва “Логвінаў” актыўна працуе зь іншымі літаратурамі, у тым ліку і з украінскай. Менавіта ў выдавецтве “Логвінаў” пабачылі сьвет перакладныя кнігі Юрыя Андруховіча і Сяргея Жадана. Выхад у сьвет гэтых кніг стаўся падзеяй у літаратурным жыцьці абедзьвюх краін і правёў да ўсплёску ўзаемнага зацікаўленьня.
Такім чынам, мы заклікаем беларускае міністэрства інфармацыі як найхутчэй вярнуць выдавецтву “Логвінаў” ліцэнзію, спыніць наступ на беларускую літаратуру.
Падпісаліся:
Марыя Маціос
Юры Андруховіч
Андрэй Куркоў
Андрэй Бондар
Андрэй Какацюха
Юрко Прохаська
Аляксандра Коваль
Багдана Маціяш
Сяргей Жадан
Ірэна Карпа
Расьціслаў Мельнікаў
Іван Малкавіч
Ларыса Дзенісенка
Мар’яна Кіяноўская