18 кастрычніка Вярхоўны суд разгледзіць касацыйную скаргу жыхара Гомеля Аляксандра Грунова, які асуджаны да сьмяротнага пакараньня за забойства студэнткі.
25-гадовы Аляксандар Груноў 20 верасьня 2012 года забіў сваю знаёмую Натальлю Емяльянчыкаву праз тое, што яна яго абразіла і не папрасіла прабачэньня. Ён нанёс ахвяры 102 раненьні нажом, паведамляе праваабарончы цэнтар «Вясна».
У судзе ён прызнаў віну і папрасіў прабачэньня ў маці Натальлі.
Дагэтуль Аляксандар Груноў быў асуджаны на 8 гадоў за нанясеньне цяжкіх цялесных пашкоджаньняў сужыцелю сваёй маці, які ў выніку памёр.
14 чэрвеня Гомельскі абласны суд прысудзіў Грунова да расстрэлу.
18 верасьня Вярхоўны суд Беларусі пакінуў у сіле сьмяротны прысуд Паўлу Селюну, які быў абвінавачаны ў двайным забойстве — сваёй жонкі і яе каханка. 12 ліпеня Гарадзенскі абласны суд вынес яму сьмяротны вырак.
Цягам 2013 году Магілёўскі абласны суд таксама вынес сьмяротны вырак Рыгору Юзэпчуку.
З 2010 па 2012 год у Беларусі былі прыведзеныя ў выкананьне пяць сьмяротных прысудаў, нягледзячы на тое, што Камітэт ААН у правах чалавека заклікаў прыпыніць выкананьне прысудаў.
Беларусь — адзіная краіна ў Эўропе, дзе выкарыстоўваюць сьмяротнае пакараньне. Эўрапейскія структуры ня першы год заклікаюць афіцыйны Менск адмовіцца ад сьмяротнай кары.
Спэцдакладчык ААН па сытуацыі з правамі чалавека ў Беларусі Міклаш Харасьці заклікаў улады Беларусі неадкладна ўвесьці мараторый на сьмяротнае пакараньне, пакуль не адбудзецца рэформы заканадаўства і судовай сыстэмы, якая дазволіць выдаліць сьмяротнае пакараньне з Крымінальнага кодэксу краіны.
У судзе ён прызнаў віну і папрасіў прабачэньня ў маці Натальлі.
Дагэтуль Аляксандар Груноў быў асуджаны на 8 гадоў за нанясеньне цяжкіх цялесных пашкоджаньняў сужыцелю сваёй маці, які ў выніку памёр.
14 чэрвеня Гомельскі абласны суд прысудзіў Грунова да расстрэлу.
18 верасьня Вярхоўны суд Беларусі пакінуў у сіле сьмяротны прысуд Паўлу Селюну, які быў абвінавачаны ў двайным забойстве — сваёй жонкі і яе каханка. 12 ліпеня Гарадзенскі абласны суд вынес яму сьмяротны вырак.
Цягам 2013 году Магілёўскі абласны суд таксама вынес сьмяротны вырак Рыгору Юзэпчуку.
З 2010 па 2012 год у Беларусі былі прыведзеныя ў выкананьне пяць сьмяротных прысудаў, нягледзячы на тое, што Камітэт ААН у правах чалавека заклікаў прыпыніць выкананьне прысудаў.
Беларусь — адзіная краіна ў Эўропе, дзе выкарыстоўваюць сьмяротнае пакараньне. Эўрапейскія структуры ня першы год заклікаюць афіцыйны Менск адмовіцца ад сьмяротнай кары.
Спэцдакладчык ААН па сытуацыі з правамі чалавека ў Беларусі Міклаш Харасьці заклікаў улады Беларусі неадкладна ўвесьці мараторый на сьмяротнае пакараньне, пакуль не адбудзецца рэформы заканадаўства і судовай сыстэмы, якая дазволіць выдаліць сьмяротнае пакараньне з Крымінальнага кодэксу краіны.