Інспэктары ААН цьвердзяць, што яны маюць «ясныя і пераканаўчыя сьведчаньні» таго, што 21 жніўня ў Сырыі супраць «цывільнага насельніцтва, у тым ліку дзяцей» была ўжытая хімічная зброя.
У доўгачаканай справаздачы экспэртаў ААН паведамляецца, што сабраныя экспэртамі палявыя, хімічныя і мэдычныя доказы сьведчаць пра тое, што 21 жніўня ў дамаскім прадмесьці Гоўта былі выкарыстаныя ракеты тыпу «зямля-зямля» з нэрвова-паралітычным рэчывам зарын. У выніку гэтага ўдару загінулі сотні чалавек.
Справаздачу прадставіў на паседжаньні Рады Бясьпекі генэральны сакратар ААН Пан Гі Мун. Інспэктары не былі ўпаўнаважаныя выявіць адказных за хімічную атаку.
Справаздачу прадставіў на паседжаньні Рады Бясьпекі генэральны сакратар ААН Пан Гі Мун. Інспэктары не былі ўпаўнаважаныя выявіць адказных за хімічную атаку.