19 чэрвеня, у дзень народзінаў Васіля Быкава, на радзіме народнага пісьменьніка ў вёсцы Бычкі Ўшацкага раёна ўганаравалі чарговых ляўрэатаў прэміі «За свабоду думкі» імя Быкава. Сёлета журы вызначыла два ляўрэаты: мастака Аляксея Марачкіна і музыку Зьмітра Вайцюшкевіча.
Імёны ляўрэатаў абвясьціў лідэр руху «За свабоду» Аляксандар Мілінкевіч. Ен паведаміў, што галасы журы, у якое ўваходзяць мінулыя ляўрэаты, падзяліліся роўна напалам, таму і ўзнагародаў сёлета дзьве. Іх атрымалі мастак Алесь Марачкін і сьпявак Зьміцер Вайцюшкевіч. Абодвум уручылі памятныя дыплёмы і традыцыйную ўзнагароду -— скульптуру аўтарства Віктара Копача.
Прэмія імя Васіля Быкава «За свабоду думкі» была заснаваная 6 гадоў таму на ўзор прэміі «За свабоду» імя Сахарава, якой у 2006 годзе быў уганараваны Аляксандар Мілінкевіч. Гэтай прэміяй узнагароджваюць тых, хто, на думку журы, найбольш яскрава праявіў сябе ў грамадзкай, прафэсійнай альбо творчай дзейнасьці на карысьць Беларусі і свабоды.
2008 — пісьменьнікі Рыгор Барадулін, Уладзімер Арлоў і палітык Павал Севярынец
2009 — мастак Алесь Пушкін
2010 — Ада Райчонак з Германавічаў, што на Шаркоўшчыне, — арганізатарка мастацкіх пленэраў, стваральніца некалькіх музэяў і заснавальніца Цэнтру імя Язэпа Драздовіча.
2011 — паэт і палітык Уладзімер Някляеў
2012 — музыка Лявон Вольскі і краязнаўца Алесь Белакоз — стваральнік і шматгадовы дырэктар краязнаўчага музэю ў вёсцы Гудзевічы, што ў Мастоўскім раёне.
Імпрэзу ў Бычках некалькі гадоў запар ладзіць Віцебская абласная рада Таварыства беларускай мовы. Старшыня рады Ёсіф Навумчык падаваў заяўку ў Вушацкі райвыканкам, ён жа адказны за правядзеньне сьвяткаваньня ў Бычках, разам з загадчыцай ідэалягічнага аддзелу райвыканкаму Вольгай Карчэўскай.
Праўда, прадстаўнікі раённых уладаў ніколі не выказвалі жаданьня выступіць на быкаўскай імпрэзе. Але слова ім абавязкова б далі, кажа спадар Навумчык.
Сьвяточная імпрэза распачалася а 14-й гадзіне. Выступалі літаратары зь Віцебску, Менску, ад імя Саюзу беларускіх пісьменьнікаў усіх прывітаў Ўсевалад Сьцебурака.
На сьвяткаваньні ўгодкаў Васіля Быкава перад гасьцямі выступіла сястра пісьменьніка Валянціна Ўладзімераўна. Усе прысутныя наведалі мэмарыяльны музэй — хату, пастаўленую на ўзор той, дзе прайшло дзяцінства пісьменьніка. Аднавяскоўцы Васіля Быкава — збольшага ўжо нашчадкі ці сваякі тых, хто яго ведаў у маленстве — гасьцінна сустракалі ўсіх, хто прыехаў 19 чэрвеня ў Бычкі.
Імёны ляўрэатаў абвясьціў лідэр руху «За свабоду» Аляксандар Мілінкевіч. Ен паведаміў, што галасы журы, у якое ўваходзяць мінулыя ляўрэаты, падзяліліся роўна напалам, таму і ўзнагародаў сёлета дзьве. Іх атрымалі мастак Алесь Марачкін і сьпявак Зьміцер Вайцюшкевіч. Абодвум уручылі памятныя дыплёмы і традыцыйную ўзнагароду -— скульптуру аўтарства Віктара Копача.
Прэмія імя Васіля Быкава «За свабоду думкі» была заснаваная 6 гадоў таму на ўзор прэміі «За свабоду» імя Сахарава, якой у 2006 годзе быў уганараваны Аляксандар Мілінкевіч. Гэтай прэміяй узнагароджваюць тых, хто, на думку журы, найбольш яскрава праявіў сябе ў грамадзкай, прафэсійнай альбо творчай дзейнасьці на карысьць Беларусі і свабоды.
Ляўрэаты прэміі «За свабоду думкі»
2008 — пісьменьнікі Рыгор Барадулін, Уладзімер Арлоў і палітык Павал Севярынец
2009 — мастак Алесь Пушкін
2010 — Ада Райчонак з Германавічаў, што на Шаркоўшчыне, — арганізатарка мастацкіх пленэраў, стваральніца некалькіх музэяў і заснавальніца Цэнтру імя Язэпа Драздовіча.
2011 — паэт і палітык Уладзімер Някляеў
2012 — музыка Лявон Вольскі і краязнаўца Алесь Белакоз — стваральнік і шматгадовы дырэктар краязнаўчага музэю ў вёсцы Гудзевічы, што ў Мастоўскім раёне.
Імпрэзу ў Бычках некалькі гадоў запар ладзіць Віцебская абласная рада Таварыства беларускай мовы. Старшыня рады Ёсіф Навумчык падаваў заяўку ў Вушацкі райвыканкам, ён жа адказны за правядзеньне сьвяткаваньня ў Бычках, разам з загадчыцай ідэалягічнага аддзелу райвыканкаму Вольгай Карчэўскай.
Праўда, прадстаўнікі раённых уладаў ніколі не выказвалі жаданьня выступіць на быкаўскай імпрэзе. Але слова ім абавязкова б далі, кажа спадар Навумчык.
Сьвяточная імпрэза распачалася а 14-й гадзіне. Выступалі літаратары зь Віцебску, Менску, ад імя Саюзу беларускіх пісьменьнікаў усіх прывітаў Ўсевалад Сьцебурака.
На сьвяткаваньні ўгодкаў Васіля Быкава перад гасьцямі выступіла сястра пісьменьніка Валянціна Ўладзімераўна. Усе прысутныя наведалі мэмарыяльны музэй — хату, пастаўленую на ўзор той, дзе прайшло дзяцінства пісьменьніка. Аднавяскоўцы Васіля Быкава — збольшага ўжо нашчадкі ці сваякі тых, хто яго ведаў у маленстве — гасьцінна сустракалі ўсіх, хто прыехаў 19 чэрвеня ў Бычкі.