Амбасада Польшчы зьвярнулася да ўладаў Беларусі з просьбай высьветліць лёс польскай грамадзянкі, якая два тыдні ня можа вярнуцца на радзіму.
Польскае радыё 20 сакавіка паведаміла пра дзіўную сытуацыю, у якую патрапіла грамадзянка Польшчы Тэрэза Стшэлец.
Год таму Тэрэза Стшэлец паехала на экскурсію ў Менск. Калі ў яе сапсавалася машына, то яна пакінула яе ў майстэрні. На аўтамабілі без дазволу гаспадыні езьдзіў сын мэханіка, якога затрымала міліцыя. Машыну канфіскавалі і перадалі на склад мытні. У студзені суд пастанавіў, што аўтамабіль павінен быць вернуты ўладальнікам.
Але яшчэ да пачатку судовага працэсу мытнікі прадалі машыну Тэрэзы Стшэлец. Грамадзянцы Польшчы прапанавалі вярнуць грошы, вылічыўшы зь іх мытныя плацяжы і пені. Яна адмовілася, і беларускі бок ануляваў яе візу, затрымаўшы спадарыню Стшэлец на тэрыторыі Беларусі.
Тэрэза Стшэлец знаходзіцца ў Беларусі ўжо два тыдні. Справай займаюцца польскія дыпляматы.
«Як амбасада мы зьвярнуліся афіцыйна дыпляматычнай нотай з просьбай аб высьвятленьні сутнасьці справы Тэрэзы Стшэлец. Але на гэты момант мы ня маем адказу», — паведаміў карэспандэнту Свабоды прадстаўнік польскай амбасады ў Менску Сэбаст’ян Ожэл.
Ён зазначыў, што справай спадарыні Стшэлец цяпер займаецца генэральнае консульства Польшчы ў Берасьці.
Прэсавая сакратарка Дзяржаўнага мытнага камітэту Беларусі Натальля Бароўская заявіла, што не валодае ніякай інфармацыяй аб праблемах грамадзянкі Польшчы Тэрэзы Стшэлец.
Год таму Тэрэза Стшэлец паехала на экскурсію ў Менск. Калі ў яе сапсавалася машына, то яна пакінула яе ў майстэрні. На аўтамабілі без дазволу гаспадыні езьдзіў сын мэханіка, якога затрымала міліцыя. Машыну канфіскавалі і перадалі на склад мытні. У студзені суд пастанавіў, што аўтамабіль павінен быць вернуты ўладальнікам.
Але яшчэ да пачатку судовага працэсу мытнікі прадалі машыну Тэрэзы Стшэлец. Грамадзянцы Польшчы прапанавалі вярнуць грошы, вылічыўшы зь іх мытныя плацяжы і пені. Яна адмовілася, і беларускі бок ануляваў яе візу, затрымаўшы спадарыню Стшэлец на тэрыторыі Беларусі.
Тэрэза Стшэлец знаходзіцца ў Беларусі ўжо два тыдні. Справай займаюцца польскія дыпляматы.
«Як амбасада мы зьвярнуліся афіцыйна дыпляматычнай нотай з просьбай аб высьвятленьні сутнасьці справы Тэрэзы Стшэлец. Але на гэты момант мы ня маем адказу», — паведаміў карэспандэнту Свабоды прадстаўнік польскай амбасады ў Менску Сэбаст’ян Ожэл.
Ён зазначыў, што справай спадарыні Стшэлец цяпер займаецца генэральнае консульства Польшчы ў Берасьці.
Прэсавая сакратарка Дзяржаўнага мытнага камітэту Беларусі Натальля Бароўская заявіла, што не валодае ніякай інфармацыяй аб праблемах грамадзянкі Польшчы Тэрэзы Стшэлец.