Грузавік урэзаўся ў слуп на праспэкце Незалежнасьці ў Менску падчас моцнага сьнегападу 15 сакавіка. Сыноптыкі папярэджваюць пра далейшае пагаршэньне надвор’я
«У найбліжэйшыя суткі актыўны цыклянічны віхор, якому нямецкія метэаролягі далі мужчынскае імя „Хавэр“, рэзка пагоршыць умовы надвор’я», — паведаміла прадстаўніца ў Гідрамэтцэнтру Людміла Парашчук.
15 сакавіка на паўднёвым усходзе Беларусі чакаецца працяглы моцны сьнег, раніцай і днём у многіх раёнах рэспублікі пройдуць моцныя сьнегапады.
Парывы ветру будуць сягаць 20-24 мэтраў на сэкунду.
Абяцаюць моцныя завеі. На дарогах — сьнежныя заносы, перадае БелТА.
