“Адкуль мне ўзяць тысячу даляраў на гэты штраф? Гэта зьдзек”, — заявіў нашаму радыё Ўладзімер Плотнікаў. Сёньня ён падаў скаргу на рашэньне абласнога суду ў Вярхоўны Суд.
Нагадаем, Уладзімера Плотнікава пакаралі за ўдзел у падзеях 9 лістапада мінулага году, калі міліцыя блякавала ў курапацкім лесе ўдзельнікаў акцыі пратэсту супраць будаўніцтва ў мэмарыяльным месцы кальцавой дарогі. Тады было пакарана больш як два дзясяткі чалавек.