У Казахстане грамадзянскія актывісты ўспамінаюць ахвяраў хваляваньняў і непарадкаў у горадзе Жанаазен. Год таму ня меней як 16 чалавек былі забітыя і больш за сто параненыя ў сутыкненьнях месьцічаў з паліцыяй.
Гэта адбылося ў Дзень незалежнасьці. Дзясяткі актывістаў сабраліся ў нядзелю ў Алмааты ля помніка Незалежнасьці, каб ушанаваць памяць забітых у Жанаазене і ўскласьці кветкі.
Паліцыя назірала за тым, што адбываецца, але ня ўмешвалася.
Падобныя акцыі памяці прайшлі ў нядзелю таксама ў сталіцы краіны Астане і іншых гарадох.
Леташнія пратэсты працоўных нафтавага прадпрыемства ў Жанаазене працягваліся некалькі тыдняў. Улады адказалі на гэтыя выступы арыштамі, судамі і закрыцьцём незалежных сродкаў масавай інфармацыі.