Гурт з Магілёва прызнаны найлепшым калектывам 2012 году паводле вэрсіі музычнага парталу Tuzin.fm. 12 сьнежня «Akute» сыгралі з гэтай нагоды сольны канцэрт.
Адмыслова запрошаным госьцем стала Паліна Рэспубліка. Маладая сьпявачка прызналася, што слухае канцэрт свайго любімага гурту ўпершыню, бо «ў беднай студэнткі няма грошай на квіткі», а на фэстывалі «Пікнік» яна і «Akute» выступалі адначасова на розных сцэнах.
На пытаньні пра ўзнагароду ўдзельнікі гурту Раман і Стас рэагуюць сьціпла і абяцаюць сваім фанатам «рабіць добрую і якасную музыку».
Музычны партал Tuzin.fm працуе ад 2003 году. У яго полі зроку — перадусім беларускамоўная музыка. У канцы кожнага году аўтары і стваральнікі tuzin.fm абіраюць найлепшых выканаўцаў.
Спампаваць альбомы «Akute» можна на афіцыйным сайце гурта, а таксама на сайце tuzin.fm.
На пытаньні пра ўзнагароду ўдзельнікі гурту Раман і Стас рэагуюць сьціпла і абяцаюць сваім фанатам «рабіць добрую і якасную музыку».
Музычны партал Tuzin.fm працуе ад 2003 году. У яго полі зроку — перадусім беларускамоўная музыка. У канцы кожнага году аўтары і стваральнікі tuzin.fm абіраюць найлепшых выканаўцаў.
Спампаваць альбомы «Akute» можна на афіцыйным сайце гурта, а таксама на сайце tuzin.fm.