На пачатку лістапада Менгарвыканкам прыняў рашэньне правесьці экспэрымэнт: на 2 месяцы — з 1 сьнежня да 1 лютага — забараніць продаж мацаванага пладова-ягаднага віна, якое ў народзе называюць «чарніла» альбо «бырла».
Днямі Аляксандар Лукашэнка скептычна выказаўся адносна плянаванай забароны на пладовае віно: «Гэтыя забароны нічога талковага не дадуць… Забароннымі мэтадамі мы нічога ня зробім». І Менгарвыканкам адмяніў сваю ж пастанову.
Забараняць ці не забараняць? Як да гэтага ставяцца самі спажыўцы таннай алькагольнай прадукцыі? Іна Студзінская размаўляла зь некаторымі зь іх на ганку вінна-гарэлачнай крамы ў спальным мікрараёне Менску.
