Прэзыдэнт Грузіі Міхаіл Саакашвілі прызнаў перамогу апазыцыі на выбарах у грузінскі парлямэнт па партыйных сьпісах, але падкрэсьліў, што кіроўная партыя лідзіруе ў аднамандатных акругах.
«Мы павінны навучыцца працаваць разам, нягледзячы на напружаную перадвыбарчую кампанію», - сказаў Саакашвілі, выступаючы па тэлебачаньні.
Са 150 дэпутатаў 77 абіраліся па сьпісах (па прапарцыйнай сыстэме), 73 - па мажарытарных (аднамандатных) акругах.
Паводле экзыт-полаў грузінскіх праўладных тэлеканалаў, блёк Іванішвілі лідзіруе на выбарах у парлямэнт з 35%, у той час як у партыі «Адзіны нацыянальны рух», якая падтрымлівае прэзыдэнта краіны Міхаіла Саакашвілі – 30%.
У цэнтры Тбілісі адсьвяткаваць перамогу сабраліся тысячы прыхільнікаў апазыцыйнай кааліцыі «Грузінская мара».
Паведамляецца, што на плошчы Свабоды ў цэнтры грузінскай сталіцы ўжо перакрыты рух, мантуецца сцэна, зь якой павінен выступіць лідэр «Грузінскай мары» Бідзіна Іванішвілі.
Your browser doesn’t support HTML5
Франак Вячорка - наўпрост з Грузіі, 1 кастрычніка 2012 году
