Зборнік выбраных вершаў паэта прэзэнтавалі ў дзень нараджэньня паэта 17 верасьня.
Кніга Танкавай паэзіі «Абвяржэньне» ўваходзіць у сэрыю «Я кнігу маю». Філёзаф Валянцін Акудовіч зазначыў, што ў зборніку сабраны найлепшыя творы клясыкаў і кнігі сэрыі мусяць быць у кожнага чалавека. У вечарыне прынялі ўдзел вядомыя пісьменьнікі Ўладзімер Арлоў, Барыс Пятровіч і Людміла Рублеўская. У рамках вечарыны ПЭН-цэнтар адзначыў пераможцаў конкурсу, прысьвечанага юбілею паэта. Імі сталі Андрэй Адамовіч, Павал Капанскі, Ганна Мананкова, Тацьцяна Нядбай, Марыя Пушкіна, Антон Рудак, Юля Цімафеева, Цімур Хоміч, Ганна Янкута ды Аляксей Арцёмаў.