У Сырыі прадстаўнікі армейскага камандаваньня сьцьвярджаюць, што вайскоўцы змаглі вызваліць ад паўстанцаў адзін з занятых тымі раёнаў на паўднёвым захадзе гораду Алепа, дзе працягваюцца баі.
Агенцтва Reuters са спасылкай на наяўную ў яго інфармацыю адзначае, што паўстанцы, якія процістаяць рэжыму прэзыдэнта Башара Асада, па-ранейшаму кантралююць ў Алепа значную частку тэрыторыі.
Нядаўна вайскоўцы абвясьцілі, што пачалі ў горадзе маштабны наступ на пазыцыі паўстанцаў. Пры абстрэлах падчас вайсковай апэрацыі выкарыстоўваецца авіяцыя.
Паводле дадзеных ААН, у сувязі з жорсткімі сутыкненьнямі Алепа пакінулі каля 200 тысяч мірных жыхароў. Кіраўнік ведамства ААН у справе гуманітарных апэрацыяў Валеры Амос заклікала сырыйскія ўлады стварыць бясьпечныя калідоры для дастаўкі гуманітарных грузаў тым жыхарам, якія засталіся блякаванымі ў горадзе. Колькасьць насельніцтва Алепа ацэньваецца ў 2,5 мільёна чалавек. Людзі хаваюцца ў школах і іншых грамадзкіх будынках. Ім не хапае ежы, вады, сродкаў асабістай гігіены.
Міністар замежных спраў Сырыі Валід аль-Муалім у нядзелю, знаходзячыся з візытам у Іране, заявіў, што антыўрадавыя сілы ў Алепа непазьбежна пацярпяць паразу. У сваю чаргу, міністар замежных спраў Ірану Алі Акбар Салехі папярэдзіў, што адстаўка прэзыдэнта Сырыі Башара Асада пацягне за сабой нэгатыўныя наступствы «для ўсяго рэгіёну, а ў канчатковым выніку і для ўсяго сьвету».
Тым часам, напярэдадні апазыцыйны Сырыйская нацыянальная рада заклікала замежныя дзяржавы забясьпечыць паўстанцаў зброяй. Паўстанцы сьцьвярджаюць, што ім цяжка процістаяць сырыйскай арміі, якая вядзе наступ з выкарыстаньнем цяжкіх узбраеньныяў. Тым часам назіральнікі сьцьвярджаюць, што калі меркаваць паводле кадраў, на якіх гараць падбітыя танкі рэгулярнай арміі Сырыі, пэўнай колькасьцю цяжкіх узбраеньняў валодаюць і паўстанцы.
У нядзелю Ярданія адкрыла свой першы намётавы лягер для сырыйцаў, што ўцякаюць ад гвалту ў сваёй краіне. Штодзень іх колькасьць расьце павялічваецца на 2 тысячы чалавек. На нядзелю ярданскія ўлады ацэньвалі агульны лік уцекачоў на 142 тысячы чалавек. Лягер адкрыты непадалёк ад паселішча Затаары за 11 кілямэтраў ад сырыйскай мяжы.
Нядаўна вайскоўцы абвясьцілі, што пачалі ў горадзе маштабны наступ на пазыцыі паўстанцаў. Пры абстрэлах падчас вайсковай апэрацыі выкарыстоўваецца авіяцыя.
Паводле дадзеных ААН, у сувязі з жорсткімі сутыкненьнямі Алепа пакінулі каля 200 тысяч мірных жыхароў. Кіраўнік ведамства ААН у справе гуманітарных апэрацыяў Валеры Амос заклікала сырыйскія ўлады стварыць бясьпечныя калідоры для дастаўкі гуманітарных грузаў тым жыхарам, якія засталіся блякаванымі ў горадзе. Колькасьць насельніцтва Алепа ацэньваецца ў 2,5 мільёна чалавек. Людзі хаваюцца ў школах і іншых грамадзкіх будынках. Ім не хапае ежы, вады, сродкаў асабістай гігіены.
Міністар замежных спраў Сырыі Валід аль-Муалім у нядзелю, знаходзячыся з візытам у Іране, заявіў, што антыўрадавыя сілы ў Алепа непазьбежна пацярпяць паразу. У сваю чаргу, міністар замежных спраў Ірану Алі Акбар Салехі папярэдзіў, што адстаўка прэзыдэнта Сырыі Башара Асада пацягне за сабой нэгатыўныя наступствы «для ўсяго рэгіёну, а ў канчатковым выніку і для ўсяго сьвету».
Тым часам, напярэдадні апазыцыйны Сырыйская нацыянальная рада заклікала замежныя дзяржавы забясьпечыць паўстанцаў зброяй. Паўстанцы сьцьвярджаюць, што ім цяжка процістаяць сырыйскай арміі, якая вядзе наступ з выкарыстаньнем цяжкіх узбраеньныяў. Тым часам назіральнікі сьцьвярджаюць, што калі меркаваць паводле кадраў, на якіх гараць падбітыя танкі рэгулярнай арміі Сырыі, пэўнай колькасьцю цяжкіх узбраеньняў валодаюць і паўстанцы.
У нядзелю Ярданія адкрыла свой першы намётавы лягер для сырыйцаў, што ўцякаюць ад гвалту ў сваёй краіне. Штодзень іх колькасьць расьце павялічваецца на 2 тысячы чалавек. На нядзелю ярданскія ўлады ацэньвалі агульны лік уцекачоў на 142 тысячы чалавек. Лягер адкрыты непадалёк ад паселішча Затаары за 11 кілямэтраў ад сырыйскай мяжы.