Бліц-агляд падзеяў і тэмаў у Беларусі, сьвеце, гісторыі.
УДЗЕНЬ...
...пераменная воблачнасьць, без дажджу. Тэмпэратура: +16 — +21.
НЕ ПРАПУСЬЦІЦЕ:
У вечаровым эфіры Свабоды перадачы «Экспэртыза», «Бібліятэка Свабоды», «Падарожжа» і «Гамбурскі рахунак Бахарэвіча».
У БЕЛАРУСІ І СЬВЕЦЕ
Міністар замежных справаў Беларусі Сяргей Мартынаў зь візытам у Інданэзіі.
У Слоніме пройдзе суд над актывісткай БХД Вольгай Пансевіч, якую зьбілі міліцыянты. Яе вінавацяць у непадпарадкаваньні міліцыі і нецэнзурнай лаянцы.
У Дзяржаўным музэі гісторыі беларускай літаратуры (Менск, вуліца М. Багдановіча 13) адбудзецца прэзэнтацыя новага выданьня паэта Леаніда Дранько-Майсюка «Кніга для спадарыні Эл». Пачатак а 17.00.
У вялікай залі Музэю сучаснага выяўленчага мастацтва (пр. Незалежнасьці, 47) адбудзецца адкрыцьцё выставы графікі Юліяна Ярданова (Баўгарыя). Пачатак а 17.00.
На футбольным чэмпіянаце Эўропы матчы Грэцыя-Чэхія (Уроцлаў) і Польшча-Расея (Варшава).
12 чэрвеня ― Дзень Расеі. Расейская апазыцыя заклікае адзначыць гэты дзень пратэстамі ў Маскве супраць прэзыдэнта Ўладзімера Пуціна.
12 чэрвеня ― Сусьветны дзень барацьбы зь дзіцячай працай.
* * *
Паважаныя наведнікі сайту! Дапамажыце больш поўна прадставіць беларускі дзень — дашліце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.
ТАКСАМА Ў ГЭТЫ ДЗЕНЬ
1812 — напалеонаўскія войскі перайшлі Нёман, пачынаючы вайну з Расеяй.
1990 — прынята Дэклярацыя аб дзяржаўным сувэрэнітэце РСФСР.
1991 — Барыс Ельцын абраны прэзыдэнтам Расеі.
У гэты дзень нарадзіліся:
1895 — Леапольд Радзевіч, беларускі драматург, тэатральны і нацыянальны дзеяч. Аўтар п’есаў: «Пакрыўджаныя», «Блуднікі», «Зьбянтэжаны Саўка» і іншых. Рэпрэсаваны, расстраляны ў 1938.
1911 — Мікола Панькоў (Дзьвінск, цяпер Даўгаўпілс, Латвія), журналіст, бібліяфіл, дзяяч эміграцыі ў Нямеччыне і ЗША.
У гэты дзень памерлі:
1997 — Булат Акуджава, расейскі бард, паэт, пісьменьнік.
1998 — Антон Адамовіч, беларускі літаратуразнаўца, гісторык, празаік.
ЦЫТАТА НА ПАМЯЦЬ:
«Працуй, Беларусь,
На хвалу для людзей;
Кажы, Беларусь,
Сваю праўду сьмялей;
Удар, Беларусь,
Ў вечавы гулкі звон.
Узары, Беларусь,
Свой забыты загон.
Гэй, скінь, Беларусь,
Ярмо цьмы прошлых лет!
Жыві, Беларусь,
Каб жылі воля, сьвет!»
Леапольд Радзевіч