Прэзыдэнт ЗША Барак Абама на саміце НАТА ў Чыкага выказаў упэўненасьць, што краіны, якія ўваходзяць у Паўночнаатлянтычны Альянс, сумеснымі намаганьнямі давядуць да канца цяперашнюю місію ў Аўганістане.
«Ніхто з нас не адмовіцца ад сваіх абавязацельстваў», — сказаў Абама, зьвяртаючыся да ўдзельнікаў найбуйнейшай у гісторыі сустрэчы лідэраў НАТА, у якой акрамя прадстаўнікоў дзяржаў-членаў альянсу ўдзельнічаюць дэлегацыі яшчэ каля 60 краінаў і шэрагу арганізацый.
Генэральны сакратар НАТА Андэрс Фог Расмусэн пацьвердзіў пляны па вываду з Аўганістану баявых падразьдзяленьняў замежных войскаў да канца 2014 году. Лідэры блёку таксама пагадзіліся з тым, што працэс перадачы адказнасьці па забеспячэньню бясьпекі ў Аўганістане — ад сілаў НАТА мясцовым структурам — павінен завяршыцца да сярэдзіны наступнага году.
Акрамя гэтага, удзельнікі саміту заклікалі Ісламабад аднавіць «як мага хутчэй» пастаўкі грузаў войскам міжнароднай кааліцыі праз пакістанскую тэрыторыю.
Генэральны сакратар НАТА Андэрс Фог Расмусэн пацьвердзіў пляны па вываду з Аўганістану баявых падразьдзяленьняў замежных войскаў да канца 2014 году. Лідэры блёку таксама пагадзіліся з тым, што працэс перадачы адказнасьці па забеспячэньню бясьпекі ў Аўганістане — ад сілаў НАТА мясцовым структурам — павінен завяршыцца да сярэдзіны наступнага году.
Акрамя гэтага, удзельнікі саміту заклікалі Ісламабад аднавіць «як мага хутчэй» пастаўкі грузаў войскам міжнароднай кааліцыі праз пакістанскую тэрыторыю.