У Маскоўскім раённым судзе Менску прайшоў працэс супраць былога вязьня Плошчы Паўла Вінаградава, аднаго зь лідэраў моладзевага крыла кампаніі «Гавары праўду».
Паводле пазову міліцыя Маскоўскага раёну Менску ў дачыненьні да Вінаградава ўвялі рэжым прэвэнтыўнага нагляду на 2 гады, сярод іншага — абавязаць яго быць дома з 8 вечара да 7 раніцы, забараніць пакідаць горад без дазволу міліцыі.
Міліцыя матывуе гэта тым, што Вінаградаў працягвае кантактаваць з пакаранымі судом асобамі, што ён не працаўладкаваўся і прыцягваўся да адміністрацыйнай адказнасьці.
Your browser doesn’t support HTML5
Вінаградаў: Нагляд дала тая ж судзьдзя, што і арыштавала
пракурор Бортнік
Павал Вінаградаў разам з адвакатам Вадзімам Мушынскім
Паўла Вінаградава некалькі разоў затрымлівала міліцыя нібыта за брыдкаслоўе. Усяго з пачатку году ён правёў у Цэнтры ізаляцыі правапарушальнікаў на Акрэсьціна 25 сутак.
Справу разглядае судзьдзя Тацяна Мотыль, якая ўжо судзіла моладзевых актывістаў.
Раней прэвэнтыўны нагляд тэрмінам на адзін год быў уведзены супраць іншага вязьня Плошчы — Уладзімера Яроменка.
