Віцэ-канцлер Аўстрыі і кіраўнік МЗС гэтай краіны Міхаэль Шпіндэлегер занепакоены, што Менск праігнараваў усе ранейшыя звароты эўрапейскіх дзяржаўных дзеячаў адносна спыненьня сьмяротнага пакараньня ў Беларусі.
«Паведамленьне зь Менску пра выкананьне сьмяротнага выраку ў дачыненьні да Кавалёва і Канавалава, нягледзячы на канстытуцыйна сумнеўныя працэдуры, а таксама шматлікія міжнародныя пратэсты, — яшчэ адзін крок у бок міжнароднай ізаляцыі», — зазначыў у сваёй заяве аўстрыйскі віцэ-канцлер і кіраўнік МЗС.
Шпіндэлегер дадаў, што яшчэ летась у лістападзе ён даў зразумець беларускаму кіраўніку, што Беларусі трэба спыніць ужываньне гэтага нялюдзкага пакараньня, нават у тых выпадках, калі асуджаныя — лютыя злачынцы, бо выкананьне сьмяротнага выраку ніколі сябе не апраўдвала і не разьвязвала пытаньня злачыннасьці.
Шпіндэлегер дадаў, што яшчэ летась у лістападзе ён даў зразумець беларускаму кіраўніку, што Беларусі трэба спыніць ужываньне гэтага нялюдзкага пакараньня, нават у тых выпадках, калі асуджаныя — лютыя злачынцы, бо выкананьне сьмяротнага выраку ніколі сябе не апраўдвала і не разьвязвала пытаньня злачыннасьці.