Беларускія школы Літвы ніколі не прымалі і не жадаюць прымаць удзел у страйках польскіх і расейскіх школ супраць новага закону аб асьвеце.
Пра гэта парталу DELFI заявіў прадстаўнік школы зь беларускай мовай навучаньня імя Скарыны Раман Вайніцкі.
«Па-першае, у Літве ўсяго адна школа зь беларускай мовай навучаньня. Ёсьць нядзельныя школы ў Вісагінасе і Клайпедзе. І мы ніколі ў жыцьці не падтрымлівалі гэтыя мерапрыемствы (забастоўкі і мітынгі – Рэд.), таму што нашы дзеці ідэальна валодаюць і расейскай, і беларускай, і літоўскай, і ангельскай мовамі. І ў нас у прынцыпе няма праблем».
Абурэньне сп. Вайніцкага, які патэлефанаваў у рэдакцыю DELFI, выклікала тое, што ў распаўсюджаным паведамленьні страйкавых камітэтаў польскіх школ Літвы ў сувязі з будучай акцыяй пратэсту супраць новага закону аб адукацыі ў якасьці ўдзельнікаў была названая і грамадзкасьць беларускіх школ.
«Мы ніколі абсалютна не падтрымлівалі ні аднаго выступу супраць сыстэмы адукацыі. Мы не жадаем падтрымліваць ні палякаў, ні расейцаў у гэтай праблеме. Мы ня бачым праблемы», – сказаў ён.
Сп. Вайніцкі заявіў, што калі згадка пра беларускія школы з паведамленьняў страйкавых камітэтаў польскіх школ Літвы ня будзе прыбраная і не атрымаецца дамовіцца, то ня выключана, што ён і яго школа будуць зьвяртацца ў суд.
«Гэта ня выключана. Зараз прыйдзе дырэктар школы, і мы будзем вырашаць гэтае пытаньне. Ужо раней была размова пра тое, што мы ня будзем удзельнічаць у акцыях пратэсту», – паведаміў сп. Вайніцкі.
Нагадаем, што 17 сакавіка Камітэты забастоўкі польскіх школ Літвы праводзяць мітынг супраць закону аб адукацыі.
«Па-першае, у Літве ўсяго адна школа зь беларускай мовай навучаньня. Ёсьць нядзельныя школы ў Вісагінасе і Клайпедзе. І мы ніколі ў жыцьці не падтрымлівалі гэтыя мерапрыемствы (забастоўкі і мітынгі – Рэд.), таму што нашы дзеці ідэальна валодаюць і расейскай, і беларускай, і літоўскай, і ангельскай мовамі. І ў нас у прынцыпе няма праблем».
Абурэньне сп. Вайніцкага, які патэлефанаваў у рэдакцыю DELFI, выклікала тое, што ў распаўсюджаным паведамленьні страйкавых камітэтаў польскіх школ Літвы ў сувязі з будучай акцыяй пратэсту супраць новага закону аб адукацыі ў якасьці ўдзельнікаў была названая і грамадзкасьць беларускіх школ.
«Мы ніколі абсалютна не падтрымлівалі ні аднаго выступу супраць сыстэмы адукацыі. Мы не жадаем падтрымліваць ні палякаў, ні расейцаў у гэтай праблеме. Мы ня бачым праблемы», – сказаў ён.
Сп. Вайніцкі заявіў, што калі згадка пра беларускія школы з паведамленьняў страйкавых камітэтаў польскіх школ Літвы ня будзе прыбраная і не атрымаецца дамовіцца, то ня выключана, што ён і яго школа будуць зьвяртацца ў суд.
«Гэта ня выключана. Зараз прыйдзе дырэктар школы, і мы будзем вырашаць гэтае пытаньне. Ужо раней была размова пра тое, што мы ня будзем удзельнічаць у акцыях пратэсту», – паведаміў сп. Вайніцкі.
Нагадаем, што 17 сакавіка Камітэты забастоўкі польскіх школ Літвы праводзяць мітынг супраць закону аб адукацыі.