Улады разглядаюць магчымасьць абмежаваць выезд з краіны асобам, якія наўпрост заклікалі ўвесьці санкцыі супраць Беларусі. Пра гэта TUT.BY паведаміла крыніца, блізкая да кіраўніцтва краіны. МУС Беларусі абвяргае гэтую інфармацыю.
У праекце сьпісу — 108 прозьвішчаў. Сярод іншых: старшыня Вярхоўнага Савету 12-га скліканьня Станіслаў Шушкевіч, старшыня Беларускага кангрэсу дэмакратычных прафсаюзаў Аляксандар Ярашук і старшыня Беларускай асацыяцыі журналістаў Жана Літвіна.
«Ніякага такога сьпісу няма. І ў нас няма юрыдычных падставаў для ўключэньня людзей у такі сьпіс, пра які пішуць у інтэрнэце», — заявіў «Свабодзе» прэсавы сакратар МУС Канстанцін Шалькевіч.
Рашэньне пашырыць санкцыі супраць афіцыйных асобаў Беларусі прыняла 27 лютага Рада міністраў замежных спраў Эўразьвязу ў Брусэлі.
28 лютага МЗС Беларусі забараніў уезд на тэрыторыю краіны ініцыятарам санкцыяў супраць чыноўнікаў. Афіцыйны Менск выклікаў таксама для кансультацыяў свайго амбасадара ў Польшчы і прадстаўніка пры ЭЗ. Акрамя таго, беларускі бок прапанаваў амбасадарам ЭЗ і Польшчы ў Менску выехаць зь Беларусі для кансультацыяў.
Пасьля гэтага прадстаўнікі краінаў ЭЗ дамовіліся адклікаць зь Менску сваіх амбасадараў для кансультацыяў.
«Ніякага такога сьпісу няма. І ў нас няма юрыдычных падставаў для ўключэньня людзей у такі сьпіс, пра які пішуць у інтэрнэце», — заявіў «Свабодзе» прэсавы сакратар МУС Канстанцін Шалькевіч.
Рашэньне пашырыць санкцыі супраць афіцыйных асобаў Беларусі прыняла 27 лютага Рада міністраў замежных спраў Эўразьвязу ў Брусэлі.
28 лютага МЗС Беларусі забараніў уезд на тэрыторыю краіны ініцыятарам санкцыяў супраць чыноўнікаў. Афіцыйны Менск выклікаў таксама для кансультацыяў свайго амбасадара ў Польшчы і прадстаўніка пры ЭЗ. Акрамя таго, беларускі бок прапанаваў амбасадарам ЭЗ і Польшчы ў Менску выехаць зь Беларусі для кансультацыяў.
Пасьля гэтага прадстаўнікі краінаў ЭЗ дамовіліся адклікаць зь Менску сваіх амбасадараў для кансультацыяў.