Старшыня Эўрапейскага парлямэнту Марцін Шульц заклікаў вызваліць актывіста Кансэрватыўна-хрысьціянскай партыі БНФ Сяргея Каваленку, які трымае галадоўку.
Шульц абмяркоўваў сытуацыю ў Беларусі падчас сустрэчы ў эўракамісарам у пытаньні пашырэньня і палітыкі эўрапейскага суседзтва Штэфанам Фюле. Пасьля сустрэчы Марцін Шульц зрабіў наступную заяву:
«Мяне жахае ўсё горшая сытуацыя з правамі чалавека і палітычнымі свабодамі ў Беларусі.
Працяглая галадоўка зьняволенага апазыцыйнага актывіста Сяргея Каваленкі падкрэсьлівае парушэньні дэмакратычных прынцыпаў і непавагу да вяршэнства закону.
Жыцьцё Каваленкі цяпер пад пагрозай у сувязі з галадоўкай супраць яго несправядлівага зьняволеньня. Я заклікаю беларускія ўлады вызваліць яго неадкладна і безумоўна, і забясьпечыць яму неабходную мэдычную дапамогу.
Рукі беларускіх уладаў будуць у крыві, калі ён памрэ.
Я паўтараю свой заклік вызваліць і рэабілітаваць ўсіх астатніх палітычных зьняволеных, у тым ліку двух былых кандыдатаў у прэзыдэнты Мікалая Статкевіча і Андрэя Саньнікава, выбітнага праваабаронцу Алеся Бяляцкага, апазыцыйных актывістаў Дзьмітрыя Бандарэнку, Мікалая Аўтуховіча, Дзьмітрыя Дашкевіча, ды іншых.
Я таксама хацеў бы паўтарыць свой асабісты зварот да прэзыдэнта Лукашэнкі, памілаваць Уладзіслава Кавалёва і Дзьмітрыя Канавалава, якія чакаюць сьмяротнага пакараньня, пасьля таго як Вярхоўны Суд Беларусі зацьвердзіў іх прысуд. Мы выступаем супраць сьмяротнага пакараньня ў любых абставінах, і мы заклікаем Беларусь, апошнюю краіну ў Эўропе, якая выкарыстоўвае яго, увесьці мараторый на сьмяротнае пакараньне.
Эўрапарлямэнт выкажа сваю глыбокую заклапочанасьць па гэтых справах у рэзалюцыі ў гэты чацьвер. Мы глыбока шкадуем, што такая пазыцыя ўладаў захоўвае адносіны паміж Беларусьсю і Эўразьвязам замарожанымі.
Грамадзяне Беларусі заслугоўваюць лепшага. Эўрапарлямэнт вельмі падтрымлівае грамадзянскую супольнасьць і дэмакратычныя імкненьні беларускага народу, і заахвочвае ўлады ў Менску пазытыўна адрэагаваць на прапанову Эўразьвязу спрасьціць візавы рэжым для беларускіх грамадзян».
Сяргей Каваленка галадае з 19 сьнежня. Гэта ягоны пратэст супраць крымінальнага абвінавачаньня. Актывіста вінавацяць у парушэньні рэжыму адбываньня «хатняй хіміі» — умоўнага пакараньня, прысуджанага яму за бел-чырвона-белы сьцяг, вывешаны 7 студзеня 2010 году на гарадзкой навагодняй ёлцы ў цэнтры Віцебску. Падчас галадоўкі Каваленку кармілі прымусова, але ён адмовіўся спыніць галадоўку.
«Мяне жахае ўсё горшая сытуацыя з правамі чалавека і палітычнымі свабодамі ў Беларусі.
Рукі беларускіх уладаў будуць у крыві, калі ён памрэ.
Працяглая галадоўка зьняволенага апазыцыйнага актывіста Сяргея Каваленкі падкрэсьлівае парушэньні дэмакратычных прынцыпаў і непавагу да вяршэнства закону.
Жыцьцё Каваленкі цяпер пад пагрозай у сувязі з галадоўкай супраць яго несправядлівага зьняволеньня. Я заклікаю беларускія ўлады вызваліць яго неадкладна і безумоўна, і забясьпечыць яму неабходную мэдычную дапамогу.
Рукі беларускіх уладаў будуць у крыві, калі ён памрэ.
Я паўтараю свой заклік вызваліць і рэабілітаваць ўсіх астатніх палітычных зьняволеных, у тым ліку двух былых кандыдатаў у прэзыдэнты Мікалая Статкевіча і Андрэя Саньнікава, выбітнага праваабаронцу Алеся Бяляцкага, апазыцыйных актывістаў Дзьмітрыя Бандарэнку, Мікалая Аўтуховіча, Дзьмітрыя Дашкевіча, ды іншых.
Я таксама хацеў бы паўтарыць свой асабісты зварот да прэзыдэнта Лукашэнкі, памілаваць Уладзіслава Кавалёва і Дзьмітрыя Канавалава, якія чакаюць сьмяротнага пакараньня, пасьля таго як Вярхоўны Суд Беларусі зацьвердзіў іх прысуд. Мы выступаем супраць сьмяротнага пакараньня ў любых абставінах, і мы заклікаем Беларусь, апошнюю краіну ў Эўропе, якая выкарыстоўвае яго, увесьці мараторый на сьмяротнае пакараньне.
Эўрапарлямэнт выкажа сваю глыбокую заклапочанасьць па гэтых справах у рэзалюцыі ў гэты чацьвер. Мы глыбока шкадуем, што такая пазыцыя ўладаў захоўвае адносіны паміж Беларусьсю і Эўразьвязам замарожанымі.
Грамадзяне Беларусі заслугоўваюць лепшага. Эўрапарлямэнт вельмі падтрымлівае грамадзянскую супольнасьць і дэмакратычныя імкненьні беларускага народу, і заахвочвае ўлады ў Менску пазытыўна адрэагаваць на прапанову Эўразьвязу спрасьціць візавы рэжым для беларускіх грамадзян».
Сяргей Каваленка галадае з 19 сьнежня. Гэта ягоны пратэст супраць крымінальнага абвінавачаньня. Актывіста вінавацяць у парушэньні рэжыму адбываньня «хатняй хіміі» — умоўнага пакараньня, прысуджанага яму за бел-чырвона-белы сьцяг, вывешаны 7 студзеня 2010 году на гарадзкой навагодняй ёлцы ў цэнтры Віцебску. Падчас галадоўкі Каваленку кармілі прымусова, але ён адмовіўся спыніць галадоўку.