6 лютага ў адміністрацыю прэзыдэнта Аляксандра Лукашэнкі накіраваны пісьмовы зварот за подпісамі амаль 400 уладальнікаў лецішчаў з каапэратыву МУС «Рэчанька» (Смалявіцкі раён) супраць намеру ўлады забраць гэтыя зямельныя участкі дзеля плянаванай будоўлі кітайска-беларускага тэхнапарку.
Абураныя намерам улады адабраць зямельныя ўчасткі, уладальнікі лецішчаў стварылі ініцыятыўную групу, якая склікала ў мінулыя выходныя першы масавы сход. Пра намеры пратэставаць далей заявіў сёньня «Свабодзе» адзін зь сябраў ініцыятыўнай групы спадар Леанід:
«У Беларусі цяпер любое будаўніцтва, тым больш інвэстыцыйны праект, павінна пачынацца з грамадзкага абмеркаваньня праекту. Закон аб архітэктурнай і будаўнічай дзейнасьці прадугледжвае абавязковае грамадзкае абмеркаваньне праекту. Таксама абавязковая экалягічная экспэртыза».
Раней урад Беларусі ратыфікаваў пагадненьне, у адпаведнасьці зь якім на тэрыторыі Смалявіцкага раёну, паблізу ад Нацыянальнага аэрапорта, чыгункі й аўтамабільнай трасы Масква — Берасьце, інвэстарам з Кітая будзе перададзены ўчастак зямлі плошчай 80 квадратных кілямэтраў. Пад гэтае будаўніцтва трапляюць лецішчы — каапэратывы «Рэчанька», «Граніт», «Алеся», «Канвэрсія», «Сокал» ды іншыя.
Спадар Леанід лічыць, што кітайскі праект парушыць экалягічную раўнавагу ў рэспубліканскім біялягічным заказьніку «Валмянскі», які лічыцца важным элемэнтам экалягічнай сеткі нацыянальнага ўзроўню. Аднак у Смалявіцкай раённай інспэкцыі па ахове прыроды і навакольнага асяродзьдзя пра гэта нічога пэўнага не сказалі:
Інспэктар: «Гэта сапраўды заказьнік рэспубліканскага значэньня. Ну і што? Мне трэба прачытаць пэўныя дакумэнты, каб нешта вам адказаць...»
На сходзе ўладальнікаў лецішчаў гучалі ў асноўным галасы пратэсту. Гаворыць удзельніца сходу Вікторыя Равінская:
«Там добрыя лецішчы. Гаспадары падвялі электрычнасьць, заплацілі за газаправод, ваду падвялі. Усё ж гэта цяжка даецца. І што? Усё гэта адбяруць у адзін момант?!»
На сёньня вядома, што кітайска-беларускі індустрыяльны парк павінны збудаваць да 2025 году. Абвешчаны і кошт новабудоўлі — 30 мільёнаў даляраў.
Пад знос пойдуць ня толькі лецішчы, але і навакольныя вёскі. Таму цяпер тамтэйшыя жыхары настойліва просяць улады ўлічыць іх інтарэсы. Агульную думку на гэты конт выказвае «Свабодзе» Аляксей Рубін:
«Самае прыкрае тое, што ўлады не абнародавалі гэтае пытаньне, ня вынесьлі яго на абмеркаваньне ня толькі вяскоўцаў і дачнікаў, але і жыхароў Менску. Бо землі, якія хочуць аддаць кітайцам, гэта вельмі добры кавалак „пірага“, так трэба казаць.
Калі 22 гады пражыў тут, збудаваў усё для сябе, а тут нашы землі аддаюць у прыватныя рукі. Прыватныя! Разумееце? Трэба ж па-людзку з насельніцтвам абыходзіцца!»
Яшчэ адно істотнае ўдакладненьне робіць спадар Аляксей:
«За нас цяпер, як гаворыцца, гарой стаяць толькі недзяржаўныя СМІ. А праўладныя адышлі, збоку знаходзяцца. Як быццам бы іх гэтая праблема ўвогуле ня тычыцца. Вось гэта таксама крыўдна!»
«У Беларусі цяпер любое будаўніцтва, тым больш інвэстыцыйны праект, павінна пачынацца з грамадзкага абмеркаваньня праекту. Закон аб архітэктурнай і будаўнічай дзейнасьці прадугледжвае абавязковае грамадзкае абмеркаваньне праекту. Таксама абавязковая экалягічная экспэртыза».
Раней урад Беларусі ратыфікаваў пагадненьне, у адпаведнасьці зь якім на тэрыторыі Смалявіцкага раёну, паблізу ад Нацыянальнага аэрапорта, чыгункі й аўтамабільнай трасы Масква — Берасьце, інвэстарам з Кітая будзе перададзены ўчастак зямлі плошчай 80 квадратных кілямэтраў. Пад гэтае будаўніцтва трапляюць лецішчы — каапэратывы «Рэчанька», «Граніт», «Алеся», «Канвэрсія», «Сокал» ды іншыя.
Спадар Леанід лічыць, што кітайскі праект парушыць экалягічную раўнавагу ў рэспубліканскім біялягічным заказьніку «Валмянскі», які лічыцца важным элемэнтам экалягічнай сеткі нацыянальнага ўзроўню. Аднак у Смалявіцкай раённай інспэкцыі па ахове прыроды і навакольнага асяродзьдзя пра гэта нічога пэўнага не сказалі:
Інспэктар: «Гэта сапраўды заказьнік рэспубліканскага значэньня. Ну і што? Мне трэба прачытаць пэўныя дакумэнты, каб нешта вам адказаць...»
На сходзе ўладальнікаў лецішчаў гучалі ў асноўным галасы пратэсту. Гаворыць удзельніца сходу Вікторыя Равінская:
«Там добрыя лецішчы. Гаспадары падвялі электрычнасьць, заплацілі за газаправод, ваду падвялі. Усё ж гэта цяжка даецца. І што? Усё гэта адбяруць у адзін момант?!»
На сёньня вядома, што кітайска-беларускі індустрыяльны парк павінны збудаваць да 2025 году. Абвешчаны і кошт новабудоўлі — 30 мільёнаў даляраў.
Пад знос пойдуць ня толькі лецішчы, але і навакольныя вёскі. Таму цяпер тамтэйшыя жыхары настойліва просяць улады ўлічыць іх інтарэсы. Агульную думку на гэты конт выказвае «Свабодзе» Аляксей Рубін:
землі, якія хочуць аддаць кітайцам, гэта вельмі добры кавалак „пірага“ ...
«Самае прыкрае тое, што ўлады не абнародавалі гэтае пытаньне, ня вынесьлі яго на абмеркаваньне ня толькі вяскоўцаў і дачнікаў, але і жыхароў Менску. Бо землі, якія хочуць аддаць кітайцам, гэта вельмі добры кавалак „пірага“, так трэба казаць.
Калі 22 гады пражыў тут, збудаваў усё для сябе, а тут нашы землі аддаюць у прыватныя рукі. Прыватныя! Разумееце? Трэба ж па-людзку з насельніцтвам абыходзіцца!»
Яшчэ адно істотнае ўдакладненьне робіць спадар Аляксей:
«За нас цяпер, як гаворыцца, гарой стаяць толькі недзяржаўныя СМІ. А праўладныя адышлі, збоку знаходзяцца. Як быццам бы іх гэтая праблема ўвогуле ня тычыцца. Вось гэта таксама крыўдна!»