Пасьля тэрміновай службы ў войсках сувязі вярнуўся ў Магілёў моладзевы актывіст Станіслаў Рамановіч. Пра тое, з чым давялося сутыкнуцца ў войску беларускамоўнаму салдату, — наступнае відэаінтэрвію.
Увесну 2007 году маладафронтаўца Станіслава Рамановіча адлічылі з Магілёўскага дзяржаўнага ўнівэрсытэту імя Куляшова. Фармальная прычына — нездавальняючыя адзнакі. Аднак сам юнак сьцьвярджае, што гэта адбылося з палітычных матываў, бо ён займаўся грамадзкай дзейнасьцю й гэтага не хаваў. Пасьля адлічэньня Станіслаў Рамановіч зьбіраўся вучыцца далей, пасьпяхова прайшоў тэставаньне, але яго прызвалі ў войска.