7 студзеня ў сталічным Палацы культуры вэтэранаў (вул. Янкі Купалы, 21) а 19-й гадзіне рыхтуецца вялікая музычная калядная прэзэнтацыя. Да выступу сузор’я беларускіх бардаў дадаецца і прэзэнтацыя новага дыску Данчыка.
Як паведаміў нам адзін з арганізатараў акцыі Віталь Супрановіч, у сьвяточным канцэрце «Цуд на Каляды» выступяць беларускія барды — Тацяна Беланогая, Зьміцер Бартосік, Андрэй Хадановіч, Эдуард Акулін, Андрэй Плясанаў, Аляксей Галіч, Алеся Ўнукоўская.
Your browser doesn’t support HTML5
Свой працяг будзе мець прэзэнтацыя новага дыску Данчыка «Калядныя песьні», прымеркаваная як да каталіцкага, так і праваслаўнага Божага Нараджэньня. Дыск выходзіць з ініцыятывы Вітаўта Мартыненкі ды Зьмітра Марчука. Запісы былі зробленыя падчас апошняга прыезду Данчыка ў Беларусь у 1996-м годзе і дагэтуль былі даступныя аматарам толькі на касэтах. У новы дыск увайшлі таксама відэазапісы, зробленыя ў нью-ёрскай кватэры Данчыка. Беларускую калядную клясыку сьпявак узбагачае сьпевамі іншых народаў у перакладах. Але каляднай тэмай зьмест дыску не абмяжоўваецца.
Паводле ўкладальнікаў, іншыя сусьветныя гіты як па-беларуску, так і ў арыгінале Данчык выконвае бездакорна, захоўваючы пры тым сваю адметную манеру і шарм.
http://www.svaboda.org/externalaudio-FLRM/Audio/337958.html