Апошняя кніга Тацяны Сапач «Няхай не пакіне нас восень
28 сьнежня 2010 году Тацяна Сапач і яе муж Сяргей Дубавец трапілі ў аўтакатастрофу. Аварыя здарылася на тэрыторыі Літвы ўначы. Сям’я вярталася ад дачкі, якая нядаўна нарадзіла ім унучку.
Тацяна Сапач — паэтка, журналістка, перакладчыца. Нарадзілася 26 жніўня 1962 году ў вёсцы Маркава, што ў Маладачанскім раёне. Скончыла журфак БДУ.
Заснавальніца і аўтарка культуралягічнай праграмы «Альбаросіка» на Беларускім радыё (1987-89). Працавала на радыёстанцыі «Балтыйскія хвалі» (2000-2001). Адна з аўтарак перадачы «Палітычная геаграфія» на «Радыё Свабода». Рэдактарка і аўтарка праграмы «Віленскі сшытак» на Літоўскай нацыянальнай тэлевізіі (з 1991 году).
Аўтарка літаратурных перакладаў зь літоўскай і польскай моваў. У 1992 годзе выйшаў зборнік паэзіі «Восень». У 2008 — «Няхай не пакіне нас восень». Удзельніца праекту «Радыё Свабода» «Начная чытанка» (2007).
