У Берасьцейскім абласным судзе пачаўся працэс па выбуху на заводзе ДСП холдынгу «Пінскдрэў». Крымінальная справа cкладае 56 тамоў. Падсудныя — былы галоўны інжынэр «Пінскдрэва» Ўладзімер Шастакоў, дырэктар заводу «Пінскдрэў-ДСП» Леанід Логвін і галоўны інжынэр «Пінскдрэў-ДСП» Ігар Логвін.
Леанід Логвін абвінавачваецца ў службовай халатнасьці, Уладзімер Шастакоў і Ігар Логвін — у парушэньні пажарнай бясьпекі, што пацягнула за сабой гібель людзей і матэрыяльную шкоду прадпрыемству ў асабліва буйным памеры. Ім ставіцца ў віну стварэньне пажаранебясьпечнай вытворчасьці без праектнай дакумэнтацыі.
Былога генэральнага дырэктара «Пінскдрэва» Ларана Арыніча на лаве падсудных яго няма. Ён зьехаў за мяжу нібыта на лячэньне і не вярнуўся. На яго заведзена асобная крымінальная справа, сам Арыніч абвешчаны ў вышук.
Трагедыя на заводзе ДСП здарылася 25 кастрычніка 2010 года. Двое рабочых прадпрыемства загінулі на месцы, яшчэ 12 памерлі ад ранаў у лякарнях Пінску, Берасьця і Менску. Пяцёра засталіся калекамі.
Выбуховая хваля разбурыла цэх па вытворчасьці драўняна-стружкавых плітаў. Шкода ацэнена ў 3 мільярды 949 мільёнаў рублёў, што ў даляравым эквіваленце на момант аварыі склала 1,2 мільёна. Паводле пракуратуры, асноўнай прычынай аварыі сталіся парушэньні рэжыму эксплюатацыі абсталяваньня па вытворчасьці драўняных паліўных гранулаў.
Былога генэральнага дырэктара «Пінскдрэва» Ларана Арыніча на лаве падсудных яго няма. Ён зьехаў за мяжу нібыта на лячэньне і не вярнуўся. На яго заведзена асобная крымінальная справа, сам Арыніч абвешчаны ў вышук.
Трагедыя на заводзе ДСП здарылася 25 кастрычніка 2010 года. Двое рабочых прадпрыемства загінулі на месцы, яшчэ 12 памерлі ад ранаў у лякарнях Пінску, Берасьця і Менску. Пяцёра засталіся калекамі.
Выбуховая хваля разбурыла цэх па вытворчасьці драўняна-стружкавых плітаў. Шкода ацэнена ў 3 мільярды 949 мільёнаў рублёў, што ў даляравым эквіваленце на момант аварыі склала 1,2 мільёна. Паводле пракуратуры, асноўнай прычынай аварыі сталіся парушэньні рэжыму эксплюатацыі абсталяваньня па вытворчасьці драўняных паліўных гранулаў.