Міністар замежных спраў Польшчы Радаслаў Сікорскі пракамэнтаваў падпісаньне Аляксандрам Лукашэнкам шэрагу дакумэнтаў, якія накіраваныя на стварэньне Эўразійскага саюзу. «Беларусь зрабіла свой выбар», — сказаў кіраўнік зьнешнепалітычнага ведамства, выступаючы ў Познані, дзе другі дзень працуе форум грамадзянскай супольнасьці «Ўсходняга партнэрства».
Сярод тых 300 дэлегатаў форуму, хто сёньня слухаў міністра замежных спраў Польшчы Радаслава Сікорскага, быў і нацыянальны каардынатар па Беларусі форуму грамадзянскай супольнасьці Ўлад Вялічка.
У размове са «Свабодай» ён сказаў, што з выступу Радаслава Сікорскага вылучыў для сябе два аспэкты: «Па-першае, камэнтуючы сытуацыю з Эўразійскім саюзам, Сікорскі сказаў, што Беларусь робіць свой выбар.Але ж немагчыма адначасова зрабіць выбар і ў адзін бок, і ў другі. Так што зь яго словаў вынікае, што Беларусь свой шлях ужо абрала і свой выбар зрабіла.
Што да сытуацыі з Алесем Бяляцкім, то на пытаньне, якое наўпрост супольна задалі польскія і беларускія праваабаронцы: ці будзе Польшча ўдзельнічаць у кампэнсацыі і вырашэньні сытуацыі, якая часткова ўзьнікла і зь віны польскіх чыноўнікаў, міністар адказаў, што Польшча будзе ўдзельнічаць у гэтай справе і будзе шукаць магчымасьць загладзіць сваю віну».
На форуме прайшла прэзэнтацыя праекту рэзалюцыі ў падтрымку беларускага праваабаронцы Алеся Бяляцкага. Яе зрабіла супрацоўніца Бяляцкага па праваабарончым цэнтры «Вясна» Тацьцяна Равяка. Аднак галасаваньне па гэтым дакумэнце яшчэ не праходзіла.
Праваабаронца Алена Танкачова, якая таксама знаходзіцца ў Познані, адзначае: «Тэкст з праектам рэзалюцыі мы расклалі на крэслы кожнага ўдзельніка форуму. І падчас выступу Сікорскага пытаньне пра Бяляцкага ўздымалася даволі жорстка. Я думаю, што заля гатовая працаваць з рэзалюцыяй. Проста да яе прыняцьця мы яшчэ не дайшлі».
Верагоднасьць прыняцьця рэзалюцыі Алена Танкачова ацэньвае як высокую: «Дэлегаты з розных краін. Але мы стараемся прытрымлівацца агульнай канцэпцыі, каб форум не „расьцякаўся“ па ўнутраных праблемах кожнай канкрэтнай краіны. Бо мы бачым, як, напрыклад, разьвіваецца канфлікт паміж Армэніяй і Азэрбайджанам з-за Нагорнага Карабаху. І я думаю, што рэзалюцыя будзе прынятая».
Трэці форум грамадзянскай супольнасьці «Ўсходняга партнэрства» завершыцца 30 лістапада.
Першыя дзьве такія сустрэчы праходзілі ў Брусэлі (лістапад 2009 году) і Бэрліне (лістапад 2010 году).
Сярод тых 300 дэлегатаў форуму, хто сёньня слухаў міністра замежных спраў Польшчы Радаслава Сікорскага, быў і нацыянальны каардынатар па Беларусі форуму грамадзянскай супольнасьці Ўлад Вялічка.
Што да сытуацыі з Алесем Бяляцкім, то на пытаньне, якое наўпрост супольна задалі польскія і беларускія праваабаронцы: ці будзе Польшча ўдзельнічаць у кампэнсацыі і вырашэньні сытуацыі, якая часткова ўзьнікла і зь віны польскіх чыноўнікаў, міністар адказаў, што Польшча будзе ўдзельнічаць у гэтай справе і будзе шукаць магчымасьць загладзіць сваю віну».
На форуме прайшла прэзэнтацыя праекту рэзалюцыі ў падтрымку беларускага праваабаронцы Алеся Бяляцкага. Яе зрабіла супрацоўніца Бяляцкага па праваабарончым цэнтры «Вясна» Тацьцяна Равяка. Аднак галасаваньне па гэтым дакумэнце яшчэ не праходзіла.
Верагоднасьць прыняцьця рэзалюцыі Алена Танкачова ацэньвае як высокую: «Дэлегаты з розных краін. Але мы стараемся прытрымлівацца агульнай канцэпцыі, каб форум не „расьцякаўся“ па ўнутраных праблемах кожнай канкрэтнай краіны. Бо мы бачым, як, напрыклад, разьвіваецца канфлікт паміж Армэніяй і Азэрбайджанам з-за Нагорнага Карабаху. І я думаю, што рэзалюцыя будзе прынятая».
Трэці форум грамадзянскай супольнасьці «Ўсходняга партнэрства» завершыцца 30 лістапада.
Першыя дзьве такія сустрэчы праходзілі ў Брусэлі (лістапад 2009 году) і Бэрліне (лістапад 2010 году).