Сёньня кіраўнік беларускай дзяржавы вызваліў генэрал-маёра Леаніда Фармагея ад абавязкаў кіраўніка сталічнай міліцыі. Прычына звальненьня не называецца. Генэрал залічаны ў падпарадкаваньне міністра ўнутраных спраў.
Леанід Фармагей нарадзіўся ў 1962 годзе. У міліцыі — з 1983 году. 29 жніўня 2008 году быў прызначаны начальнікам сталічнай міліцыі. Тады ён заняў месца цяперашняга міністра ўнутраных спраў Анатоля Куляшова.
Яшчэ адзін генэрал-маёр — Вячаслаў Яўстаф’еў — вызвалены ад пасады начальніка ўпраўленьня ўнутраных спраў на транспарце. Тут адзначаецца, што вызваленьне зробленае з-за ўзросту.
Вячаслаў Яўстаф’еў нарадзіўся у 1955 годзе. Міліцыяй на транспарце кіраваў з скакавіка 2007 году.
Як паведамілі ў інфармацыйнай праграме «Панарама» беларускага тэлебачаньня, абодва генэралы, якія працавалі ў свой час на Віцебшчыне, не забясьпечылі раскрыцьцё выбуху ў Віцебску.
Леанід Фармагей, які займаў з сакавіка 2007 году да жніўня 2008 году пасаду начальніка УУС Віцебскага аблвыканкаму, а пасьля — начальніка ГУУС Менскага гарвыканкаму, не забясьпечыў кантроль за арганізацыяй працы падначаленых па раскрыцьці выбухаў у Віцебску ў 2005 годзе і ў Менску ў 2008 годзе. Ён таксама не забясьпечыў належнага ўзроўню аховы станцый Менскага мэтрапалітэну, што стварыла ўмовы для ўчыненьня летась 11 красавіка тэракту на «Кастрычніцкай» станцыі.
Леанід Фармагей нарадзіўся ў 1962 годзе. У міліцыі — з 1983 году. 29 жніўня 2008 году быў прызначаны начальнікам сталічнай міліцыі. Тады ён заняў месца цяперашняга міністра ўнутраных спраў Анатоля Куляшова.
Яшчэ адзін генэрал-маёр — Вячаслаў Яўстаф’еў — вызвалены ад пасады начальніка ўпраўленьня ўнутраных спраў на транспарце. Тут адзначаецца, што вызваленьне зробленае з-за ўзросту.
Вячаслаў Яўстаф’еў нарадзіўся у 1955 годзе. Міліцыяй на транспарце кіраваў з скакавіка 2007 году.
Як паведамілі ў інфармацыйнай праграме «Панарама» беларускага тэлебачаньня, абодва генэралы, якія працавалі ў свой час на Віцебшчыне, не забясьпечылі раскрыцьцё выбуху ў Віцебску.
Леанід Фармагей, які займаў з сакавіка 2007 году да жніўня 2008 году пасаду начальніка УУС Віцебскага аблвыканкаму, а пасьля — начальніка ГУУС Менскага гарвыканкаму, не забясьпечыў кантроль за арганізацыяй працы падначаленых па раскрыцьці выбухаў у Віцебску ў 2005 годзе і ў Менску ў 2008 годзе. Ён таксама не забясьпечыў належнага ўзроўню аховы станцый Менскага мэтрапалітэну, што стварыла ўмовы для ўчыненьня летась 11 красавіка тэракту на «Кастрычніцкай» станцыі.