10 чэрвеня Вярхоўны суд пацьвердзіў апраўдальны прысуд Менскага гарадзкога суду адносна прадпрымальніка Андрэя Бандарэнкі. Суд прызнаў, што прадпрымальніка асудзілі незаконна, і зьняў зь яго абвінавачаньні ў крадзяжы маёмасьці фірмы праз махлярства.
"Барацьба за справядлівасьць каштавала мне здароўя, фірмы, двух гадоў турмы і дзясяткаў пасадак у турэмны карцэр, але ўсё ж гэта таго варта. Вельмі ўдзячны ўсім, хто мне дапамагаў — калегам з АГП, сваякам, журналістам, якія не забывалі пра маю справу. Зараз буду дамагацца ад дзяржавы кампэнсацыі за страты, якія нанесьлі мне сьледчыя і судзьдзя сваімі незаконнымі дзеяньнямі. На жаль, беларускія законы не дазваляюць патрабаваць кампэнсацыі менавіта ад гэтых людзей", — сказаў "Свабодзе" Андрэй Бандарэнка.
Гучная справа Андрэя Бандарэнкі пачалася ў сярэдзіне 2009 году. Прадпрымальніка, сябра АГП, які годам раней браў удзел у парлямэнцкіх выбарах, арыштавалі пасьля вяртаньня ў Беларусь з-за мяжы і абвінавацілі ў крадзяжы маёмасьці. Першы раз Бандарэнку судзілі ў кастрычніку 2009 году ў Першамайскім судзе Менску. Судзьдзя Ярмоленка прызнаў яго вінаватым у тым, што ён нібыта абакраў сваю фірму праз службовыя злоўжываньні, і прысудзіў да 7 гадоў зьняволеньня. Бандарэнка віны не прызнаў і ў калёніі адмовіўся падпісваць паперы пра выпраўленьне.
Празь некалькі месяцаў справу Бандарэнкі пераглядала судзьдзя Равінская зь Першамайскага суду. Судзьдзя прызнала прадпрымальніка вінаватым у крадзяжы маёмасьці — гэтым разам праз махлярства — і зьменшыла тэрмін зьняволеньня ўсяго на 1 год. У Бабруйскай калёніі, дзе адбываў пакараньне Андрэй Бандарэнка, ён працягваў называцца "незаконна асуджаным" і адмаўляўся супрацоўнічаць з адміністрацыяй, за што неаднаразова трапляў у карцэр. У сакавіку 2011 году Менгарсуд перагледзеў справу Андрэя Бандарэнкі і адмяніў прысуд Першамайскага суду Менску. 10 чэрвеня гэтае рашэньне пацьвердзіў Вярхоўны суд, пасьля чаго яно лічыцца канчатковым.
"Барацьба за справядлівасьць каштавала мне здароўя, фірмы, двух гадоў турмы і дзясяткаў пасадак у турэмны карцэр, але ўсё ж гэта таго варта. Вельмі ўдзячны ўсім, хто мне дапамагаў — калегам з АГП, сваякам, журналістам, якія не забывалі пра маю справу. Зараз буду дамагацца ад дзяржавы кампэнсацыі за страты, якія нанесьлі мне сьледчыя і судзьдзя сваімі незаконнымі дзеяньнямі. На жаль, беларускія законы не дазваляюць патрабаваць кампэнсацыі менавіта ад гэтых людзей", — сказаў "Свабодзе" Андрэй Бандарэнка.
Гучная справа Андрэя Бандарэнкі пачалася ў сярэдзіне 2009 году. Прадпрымальніка, сябра АГП, які годам раней браў удзел у парлямэнцкіх выбарах, арыштавалі пасьля вяртаньня ў Беларусь з-за мяжы і абвінавацілі ў крадзяжы маёмасьці. Першы раз Бандарэнку судзілі ў кастрычніку 2009 году ў Першамайскім судзе Менску. Судзьдзя Ярмоленка прызнаў яго вінаватым у тым, што ён нібыта абакраў сваю фірму праз службовыя злоўжываньні, і прысудзіў да 7 гадоў зьняволеньня. Бандарэнка віны не прызнаў і ў калёніі адмовіўся падпісваць паперы пра выпраўленьне.
Празь некалькі месяцаў справу Бандарэнкі пераглядала судзьдзя Равінская зь Першамайскага суду. Судзьдзя прызнала прадпрымальніка вінаватым у крадзяжы маёмасьці — гэтым разам праз махлярства — і зьменшыла тэрмін зьняволеньня ўсяго на 1 год. У Бабруйскай калёніі, дзе адбываў пакараньне Андрэй Бандарэнка, ён працягваў называцца "незаконна асуджаным" і адмаўляўся супрацоўнічаць з адміністрацыяй, за што неаднаразова трапляў у карцэр. У сакавіку 2011 году Менгарсуд перагледзеў справу Андрэя Бандарэнкі і адмяніў прысуд Першамайскага суду Менску. 10 чэрвеня гэтае рашэньне пацьвердзіў Вярхоўны суд, пасьля чаго яно лічыцца канчатковым.