Беларусь атрымала крэдыт ЭўрАзЭС

Аляксей Кудрын у Менску, 19 траўня, 2011

Міністры фінансаў краінаў ЭўрАзЭС ухвалілі ўдзяленьне Беларусі крэдыту памерам 3 мільярды даляраў з рэзэрвовага фонду арганізацыі, паведаміў прэсавы сакратар кіраўніка расейскага ўраду Дзьмітрый Пяскоў.

Ён патлумачыў, што цягам першага году фонд выдаткуе Менску 1,2 мільярда даляраў, цягам другога году – 800 мільёнаў і яшчэ адзін мільярд – на трэці год.

Паводле міністра фінансаў Расеі Аляксея Кудрына, адна з умоваў удзяленьня крэдыту – гэта прыватызацыя беларускіх актываў на суму 7,5 мільярдаў даляраў на працягу трох гадоў.