Абмежаваньні, якія днямі ўвёў Нацыянальны банк Беларусі на выдачу валютных крэдытаў, выклікаюць занепакоенасьць у партнэраў па мытнай "тройцы". Гэта прызнаў сёньня і намесьнік міністра эканомікі Беларусі Антон Кудасаў. Паводле яго словаў, падобныя праблемы патрэбна вырашаць у судзе. Аднак такі суд... яшчэ не створаны.
Тэму сёньняшняй прэсавай канфэрэнцыі новага намесьніка міністра эканомікі Беларусі Антона Кудасава сфармулявалі так: "Удзел Рэспублікі Беларусь у Адзінай эканамічнай прасторы". І гэта невыпадкова – праз тры дні ў Менску кіраўнікі ўрадаў Беларусі, Казахстану і Расеі абмяркуюць справы мытнай "тройкі" і пэрспэктывы АЭП.
Літаральна за тыдзень да сустрэчы прэм'ераў Беларусь падрыхтавала "сюрпрыз" - увяла абмежаваньні на пакупку валюты пры імпарце інвэстыцыйных тавараў на суму 50 тысяч эўра. Дарадца ў эканамічных пытаньнях амбасады Расеі ў Менску Андрэй Кузьняцоў сказаў, што гэта рашэньне "перашкаджае прасоўваньню на беларускі рынак расейскіх тавараў". І дадаў:
"Цяпер ідзе працэс "урастаньня" у Мытны саюз. На жаль, адзін з удзельнікаў Мытнага саюзу, не параіўшыся з партнэрамі, зрабіў крокі, якія закранаюць іх інтарэсы".
Эканамісты тлумачаць такое рашэньне Менску жаданьнем зьменшыць імпарт і праз гэта скараціць дэфіцыт гандлёвага балянсу. Антон Кудасаў сёньня публічна прызнаў існаваньне такога пытаньня:
"Шчыра скажу, абмежаваньні валюты, з пункту гледжаньня нашых расейскіх калег, праблему ствараюць. І гэту тэму нам зь імі давядзецца абмяркоўваць. Толькі хачу дадаць, што міжнароднае права дазваляе дзяржаве ўжываць спэцыяльныя захады валютнага кантролю ў адпаведнасьці з сытуацыяй нацыянальнага плацёжнага балянсу. Аднак само па сабе гэта толькі аргумэнтацыя. Гэта не ліквідуе ўплыву гэтых захадаў на таварныя патокі".
Кіраўнік і аналітычнага цэнтру "Стратэгія" Леанід Заіка тлумачыць рашэньні беларускага кіраўніцтва абмежаваць валютныя крэдыты на пакупку імпарту праваламі ў зьнешнеэканамічнай палітыцы:
"Гандлёвы дэфіцыт пад 10 мільярдаў даляраў. І абсалютна асноўная частка яго – гэта гандлёвы дэфіцыт з Расеяй. Таму былі вымушаныя ўвесьці гэтыя захады. Гэта – бяда беларуская. Але яе можна вырашыць. Трэба пазычыць два-тры мільярды ў Расеі. І тады гэтыя абмежаваньні аўтаматычна будуць зьнятыя".
Паводле апошняй справаздачы Нацыянальнага банку Беларусі, агульны зьнешні доўг краіны за 2010 год узрос на 29,2% і дасягнуў 28,5 мільярда даляраў. Гэта складае 52,2% Валавога ўнутранага прадукту Беларусі.
Тэму сёньняшняй прэсавай канфэрэнцыі новага намесьніка міністра эканомікі Беларусі Антона Кудасава сфармулявалі так: "Удзел Рэспублікі Беларусь у Адзінай эканамічнай прасторы". І гэта невыпадкова – праз тры дні ў Менску кіраўнікі ўрадаў Беларусі, Казахстану і Расеі абмяркуюць справы мытнай "тройкі" і пэрспэктывы АЭП.
Літаральна за тыдзень да сустрэчы прэм'ераў Беларусь падрыхтавала "сюрпрыз" - увяла абмежаваньні на пакупку валюты пры імпарце інвэстыцыйных тавараў на суму 50 тысяч эўра. Дарадца ў эканамічных пытаньнях амбасады Расеі ў Менску Андрэй Кузьняцоў сказаў, што гэта рашэньне "перашкаджае прасоўваньню на беларускі рынак расейскіх тавараў". І дадаў:
"Цяпер ідзе працэс "урастаньня" у Мытны саюз. На жаль, адзін з удзельнікаў Мытнага саюзу, не параіўшыся з партнэрамі, зрабіў крокі, якія закранаюць іх інтарэсы".
Эканамісты тлумачаць такое рашэньне Менску жаданьнем зьменшыць імпарт і праз гэта скараціць дэфіцыт гандлёвага балянсу. Антон Кудасаў сёньня публічна прызнаў існаваньне такога пытаньня:
"Шчыра скажу, абмежаваньні валюты, з пункту гледжаньня нашых расейскіх калег, праблему ствараюць. І гэту тэму нам зь імі давядзецца абмяркоўваць. Толькі хачу дадаць, што міжнароднае права дазваляе дзяржаве ўжываць спэцыяльныя захады валютнага кантролю ў адпаведнасьці з сытуацыяй нацыянальнага плацёжнага балянсу. Аднак само па сабе гэта толькі аргумэнтацыя. Гэта не ліквідуе ўплыву гэтых захадаў на таварныя патокі".
Кіраўнік і аналітычнага цэнтру "Стратэгія" Леанід Заіка тлумачыць рашэньні беларускага кіраўніцтва абмежаваць валютныя крэдыты на пакупку імпарту праваламі ў зьнешнеэканамічнай палітыцы:
"Гандлёвы дэфіцыт пад 10 мільярдаў даляраў. І абсалютна асноўная частка яго – гэта гандлёвы дэфіцыт з Расеяй. Таму былі вымушаныя ўвесьці гэтыя захады. Гэта – бяда беларуская. Але яе можна вырашыць. Трэба пазычыць два-тры мільярды ў Расеі. І тады гэтыя абмежаваньні аўтаматычна будуць зьнятыя".
Паводле апошняй справаздачы Нацыянальнага банку Беларусі, агульны зьнешні доўг краіны за 2010 год узрос на 29,2% і дасягнуў 28,5 мільярда даляраў. Гэта складае 52,2% Валавога ўнутранага прадукту Беларусі.