“Расея выступае супраць санкцыяў у дачыненьні да Беларусі і лічыць, што вынікі выбараў прэзыдэнта ў гэтай краіне зьяўляюцца легітымнымі”, – пра гэта заявіў кіраўнік расейскай дэлегацыі ў Парлямэнцкай асамблеі Рады Эўропы (ПАРЭ), старшыня камітэту Дзярждумы ў міжнародных справах Канстанцін Касачоў. Такую заяву палітык зрабіў сёньня ў інтэрвію тэлеканалу “Россия-24», напярэдадні абмеркаваньня ў ПАРЭ пытаньня аб сытуацыі ў Беларусі.
"Палітыка санкцыяў, палітыка байкоту будзе толькі кансэрваваць тыя праблемы, якія існуюць у Беларусі, а не спрыяць іх вырашэньню", – мяркуе кіраўнік расейскай парлямэнцкай дэлегацыі.
Ён адзначыў, што расейская дэлегацыя ў ПАРЭ складаецца з прадстаўнікоў розных фракцый, у якіх могуць быць розныя меркаваньні. Але што тычыцца "Единой России», якую прадстаўляе К. Касачоў, то ў фракцыі, паводле яго, "сур'ёзна занепакоеныя тым, як гэтыя выбары праходзілі".
"Мы бачым, што па шэрагу пазыцый яны сапраўды адрозьніваліся ад тых стандартаў, якія дзейнічаюць на прасторы Рады Эўропы", – падкрэсьліў ён.
Разам з тым К. Касачоў заўважыў, што "ўсе гэтыя заганы, усе гэтыя скажэньні не ставяць пад сумнеў легітымнасьць праведзеных выбараў і іх вынік, Лукашэнка – абраны прэзыдэнт Беларусі", – адзначыў кіраўнік расейскай дэлегацыі ў ПАРЭ.
Камэнтар Свабоды
Варта адзначыць, што да апошняга часу афіцыйная Масква не выказвала свайго стаўленьня да магчымых заходніх санкцый адносна афіцыйнага Менску за недэмакратычныя выбары і хвалю палітычных рэпрэсій у Беларусі. Больш таго, міністар замежных справаў Сяргей Лаўроў заявіў, што жорсткае патрабаваньне Кабінэта міністра Рады Эўропы да беларускіх уладаў вызваліць палітычных вязьняў, “адлюстроўвае пункт гледжаньня Расеі”.
Фармальна паміж заявамі Лаўрова і Касачова няма супярэчнасьці: Лаўроў не ўхваляў санкцыі, Касачоў выказаў занепакоенасьць хадой прэзыдэнцкіх выбараў у Беларусі. Але ня выключана, што заява старшыні думскага камітэту азначае эвалюцыю Масквы да больш звыклай пазыцыі адваката афіцыйнага Менску на міжнароднай арэне.
"Палітыка санкцыяў, палітыка байкоту будзе толькі кансэрваваць тыя праблемы, якія існуюць у Беларусі, а не спрыяць іх вырашэньню", – мяркуе кіраўнік расейскай парлямэнцкай дэлегацыі.
Ён адзначыў, што расейская дэлегацыя ў ПАРЭ складаецца з прадстаўнікоў розных фракцый, у якіх могуць быць розныя меркаваньні. Але што тычыцца "Единой России», якую прадстаўляе К. Касачоў, то ў фракцыі, паводле яго, "сур'ёзна занепакоеныя тым, як гэтыя выбары праходзілі".
"Мы бачым, што па шэрагу пазыцый яны сапраўды адрозьніваліся ад тых стандартаў, якія дзейнічаюць на прасторы Рады Эўропы", – падкрэсьліў ён.
Разам з тым К. Касачоў заўважыў, што "ўсе гэтыя заганы, усе гэтыя скажэньні не ставяць пад сумнеў легітымнасьць праведзеных выбараў і іх вынік, Лукашэнка – абраны прэзыдэнт Беларусі", – адзначыў кіраўнік расейскай дэлегацыі ў ПАРЭ.
Камэнтар Свабоды
Варта адзначыць, што да апошняга часу афіцыйная Масква не выказвала свайго стаўленьня да магчымых заходніх санкцый адносна афіцыйнага Менску за недэмакратычныя выбары і хвалю палітычных рэпрэсій у Беларусі. Больш таго, міністар замежных справаў Сяргей Лаўроў заявіў, што жорсткае патрабаваньне Кабінэта міністра Рады Эўропы да беларускіх уладаў вызваліць палітычных вязьняў, “адлюстроўвае пункт гледжаньня Расеі”.
Фармальна паміж заявамі Лаўрова і Касачова няма супярэчнасьці: Лаўроў не ўхваляў санкцыі, Касачоў выказаў занепакоенасьць хадой прэзыдэнцкіх выбараў у Беларусі. Але ня выключана, што заява старшыні думскага камітэту азначае эвалюцыю Масквы да больш звыклай пазыцыі адваката афіцыйнага Менску на міжнароднай арэне.